ABŞ beyin mərkəzi: Yəməndə inqilab qələbə çaldı, ABŞ bu faktı qəbul etməlidir

ABŞ-ın Brookings beyin mərkəzi Yəməndə baş verənlər haqda məqalə dərc edərək Ənsarullah Hərəkatının rəhbərlik etdiyi inqilabçıların müharibədə qələbə çaldığını vurğulayaraq yazıb: “Onlar daxili müharibədə rəqiblərinə qalib gəlməkdən əlavə, həm də 2015-ci ildən bəri ABŞ-ın dəstəyi ilə onlara qarşı hücuma keçmiş Səudiyyə Ərəbistanı və BƏƏ-ni də məğlub ediblər.”

Brookings İnstitutu təhlükəsizlik və strategiya məsələləri üzrə ekspert Brus Rayedelin “Husilər Yəməndə qalib gəldi, bundan sonra nə olacaq?” başlıqlı məqaləsində dərc edib. Məqalənin bir hissəsində deyilir: “Husilər müharibədə qalib gəldi və ABŞ reallığı qəbul etməlidir. Bu, hava qüvvələri və donanması olmayan qüvvələr üçün mühüm nailiyyətdir. Bu, Livan Hizbullahının hekayəsinə bənzər heyrətamiz bir uğur hekayəsidir.”

Ekspert husilərin niyə qalib gəldiyi sualını ortaya qoyaraq Hizbullahın 2000-ci ildə Livan Hizbullahının sionist rejiminə qarşı döyüşünə toxunub. Belə ki, bu döyüşdə Hizbullah qüvvələri işğalçı israilliləri Livanın cənubundan çıxara bilmişdi. Brus Rayedel bu döyüşün Ənsarullah Hərəkatı (husilər) üçün əngizə və örnək olduğunu qeyd edərək bildirib ki, bu iki hərəkat özünü ABŞ-ın dəstək verdiyi İsrail və Ərəbistan kimi xarici hücumçular qarşısında vətən müdafiəçiəri edib. Hizbullah iki həftə müqavimət göstərdikdən sonra İsraili Livanın cənubundan çıxara bildi və hal-hazırda İsraili yüz minlərlə raket və dronlarla təhdid edir. Husilərə gəlincə isə deməliyik ki, onlar 2015-ci ildə Səudiyyə Ərəbistanının hücumunun başlamasından bəri müharibəni nəzarətə ala biliblər və öz bölgələrini genişləndiriblər. Hətta, neftlə zəngin Məarib şəhərinə yaxınlaşıblar.

Beyin mərkəzinin eksperti iddia edir: “Husilər İran və Hizbullahın dəstəyi ilə raket və dronlardan Ərəbistan və indi də Əbu Dabi əleyhinə istifadə edirlər. Ancaq husilərin qələbəsi bizim gözümüzü Yəməndə müharibənin ağır bahasına bağlamamalıdır. BMT-nin İnkişaf Fondunun məlumatına görə, 2021-ci ilin sonuna qədər 377.000 yəmənli öldürülüb, onların əksəriyyəti dolayı müharibədə həyatını itirib, ölənlərin 70%-i 5 yaşadək uşaqlar olub. Yəmənin Səudiyyə Ərəbistanı tərəfindən mühasirəyə alınması bu ölkədə humanitar faciənin, ərzaq və dərman qıtlığının əsas səbəbi olub.”
B. Rayedel Yəmən müharibəsinin gələn mərhələsi haqda yazıb ki, müharibənin sonrakı mərhələsi Məarib uğrunda döyüşlərdir. Husilər Əl-Hüdeydə əyalətində önəmli irəliləyişlər əldə ediblər və Məaribə görə tələsmədikləri görünür.

Ekspert ABŞ-ın Yəmən müharibəsinə müdaxiləsinə toxunaraq yazıb: “Co Bayden hökuməti prioritet olaraq Yəməndə sülh vəd edib, lakin bu işdə ciddilik göstərməyib. O, sələfinin səudiyyəlilərə silah satmaq siyasətini davam etdirdi. Eyni halda husilər qazandıqları müharibəni bitirməyə tələsmirlər. Heç bir siyasət Yəməndəki müharibəni bitirə bilməz və sülhə nail olmaq Səudiyyədən əlavə Yəmənin qərarıdır, Amerikanın yox.”

Brookings İnstitutunun dərc etdiyi təhlilin digər hissəsində vurğulanır: “Beynəlxalq ictimaiyyət yəmənlilərin məqsədlərinə diqqət yetirməli və onları ölkəni birləşdirməyə deyil, əməkdaşlığa təşviq etməlidir. Bununla bağlı hər hansı həll yolu təqdim etmək üçün ən yaxşı yer BMT-nin Təhlükəsizlik Şurasıdır və Ərəbistanın maraqlarına xidmət edən qətnamələr deyil, dəyişməkdə olan həqiqətləri rəsmi olaraq tanıyan qətnamədir. Yeni qətnamənin ilk prinsipi Yəmənin mühasirəsini, xarici müdaxilələri və Ərəbistanın hücumunu dayandırmaq, həm Hadi qüvvələrinə, həm də husilərə hərbi dəstəklərə son qoymaq olmalıdır.”

Ekspert sonda bildirib ki, müharibədən sonrakı mərhələdə husilərlə qarşılaşmaq elə də asan olmayacaq. Hərəkatın ABŞ-a qarşı düşmən mövqeinin kökü (ABŞ-ın) İraqı işğal etmək qərarından qaynaqlanıb və Yəmənin qonşusunun 7 illik müharibəsinə dəstək verməklə bu mövqe daha da şiddətlənib.