Чәршәнбә ахшамы Теһран вахты илә саат 20.00-да әввәл сионист режим медиалары хәбәр вердиләр ки, Иран Ислам Республикасынын мүдафиә базаларындан сионист режим торпагларына доғру бир нечә ракет атылыб вә бир нечә саат әрзиндә Исраил сәмасына чатаҹағы ҝүман олунур. Лакин там инанылмаз һалда Иран ракетләри 12 дәгигә әрзиндә сионист режимин ишғал етдији әразиләринин сәмасында ҝөрүндү.Â
Фарс, Әрак, Гәзвин, Тәбриз вә Кирманшаһ әјаләтләриндә Иран халгы Иран ракетләринин атышыны әкс етдирән ҝөрүнтүләр пајлашдылар. Бир нечә дәгигә сонра бу ракетләр ардыҹыл вә аман вермәдән сионист режимин Һатсаримдәки һәрби базаларыны, Ф-35 гырыҹы ескадрилјасынын Нәватимдәки базасыны, Ашкелондакы газ платформаларыны вә Тәл-Әвивдәки Моссад кәшфијјат мәркәзини һәдәфә алдылар.Â
СЕПАҺ-ын әмәлијјата башламасындан бир нечә дәгигә сонра јајдығы бәјанатдан мәлум олду ки, бу гәрар Али Милли Тәһлүкәсизлик Шурасынын гәрары вә Силаһлы Гүввәләрин Баш Гәрарҝаһынын әмри илә шәһид Һәнијјә, ҝенерал-мајор Нилфурушан вә мүгавимәт ҹәбһәсинин лидери Сејид Һәсән Нәсруллаһын шәһид едилмәсиндә сионист режимин ҹинајәтләринә ҹаваб вермәк үчүн верилиб.Â
СЕПАҺ өз бәјанатында ҹидди шәкилдә хәбәрдарлыг етмишди ки, сионист режимин һәр һансы әкс тәдбири даһа ҝүҹлү реаксијаја сәбәб олаҹаг. Бу ҹавабын һансы олмасы илә бағлы Силаһлы Гүввәләрин Баш Гәрарҝаһ рәиси ҝенерал-мајор Багири билдирди ки, әҝәр сионист режим ҹаваб версә, биз бу режимин һәјати инфраструктурларыны һәдәфә алаҹағыг.
Иранын ракет һүҹумлары ишғал олунмуш әразинин һәр јериндән ҝөрүнәҹәк шәкилдә һәјата кечирилди, лакин сионист режимин Гәззә вә Ливандакы ҹинајәт үслубундан фәргли олараг, бу һүҹумлар һәрби мәркәзләрә гаршы иҹра едилди. Иран инсансевәр јанашмаја әсасланараг Исраил јашајыш гәсәбәләрини вә мүлки инсанлары һәдәф алмагдан имтина етди. Â
Бу ракетләрин атыш нөвү, о тәрәфдән дә Дәмир гүббә, Пејкан 2 вә Давуд сапанды мүдафиә системләринин аҹизлији ҝөстәрди ки, Иранын јени ракетләринин изләнә билмәмәси илә бағлы иддиасы тамамилә доғрудур.Â
Иран халгынын көнүллү халг севинҹи вә милли вә дини гејрәт далғасы Тәбриз, Әрдәбил, Теһран, Мәшһәд шәһәрләриндән башлады вә сүрәтлә бүтүн Иран шәһәрләринә јајылды. Инсанлар бу милли аксијаны атәшфәшанлыг, ингилаби шүарлар вә маһнылар охујараг, ширнијјат пајламагла гејд едирдиләр. Бу шәнликләр тәкҹә Иранда дејил, ејни заманда Ливан, Ираг әразисиндә вә Фәләстин дүшәрҝәләриндә дә кечирилиб. Â
Сионист режим илк вахтлар һәм дә өз сахта иддиасы илә ракетләрин әксәријјәтинин зәрәрсизләшдирилдијини иддиа етмиш, ејни заманда сензура вә инсанлары тәһдид јолу илә мүдафиә системинин зәифлијинин ишыгланмамаысна чалышды. Амма ракетләрин сүрәти бу режимин медиасынын сүрәтини ашды вә нәтиҹәдә Нетанјаһу јералты сығынаҹағындан титрәјән әлләри илә Ираны һәдәләјән видео јајымламалы олду./ирна/
