Шрифт өлчүсү:
А+
А
А-
16 Апрел 2023

Путин јени ганун имзалады...

Украјна илә мүбаризәни давам етдирән Русијада електрон месажла һәрби чағырыш һаггында ганун президент Владимир Путин тәрәфиндән имзаланараг гүввәјә миниб.

Русијада 18-50 јаш арасы кишиләр “електрон һөкумәт”ә бәнзәр систем васитәсилә һәр ан “Сиз һәрби хидмәтә чағырылырсыныз” месажы ала биләрләр.

Тәхминән 35 милјон Русија вәтәндашыны әһатә едән јени һәрби гануна әмәл етмәјәнләр өлкәдән чыхыш башда олмагла бир сыра һүгуглардан мәһрум олаҹаглар.

Белә ки, чағырыш вәрәгәсинин ҝөндәрилдији ҝүндән башлајараг 7 ҝүн әрзиндә һәрби хидмәтә јолланмајан шәхсләрин Русијаны тәрк етмәләри гадаған едиләҹәк. Онларын јени ишә башламасы, дашынмаз әмлак алгы-сатгысы, банклардан кредит ҝөтүрмәси вә автомобил идарә етмәси дә јасагланаҹаг.

Јени ганун Русијада өтән ил елан едилмиш гисмән сәфәрбәрлијин нәтиҹәләри илә бағлыдыр. Сәфәрбәрлијин һәјата кечирилмәсиндә бөјүк фасиләләр јаранды, чүнки көһнә гајдаја ҝөрә һәрби бөлмәләр һәр кәсә шәхсән јазылы чағырыш ҝөндәрмәли иди. Чағырыш вәрәгәсини алмадыгларыны дејән он минләрлә ҝәнҹ өлкәдән гачмаға мүвәффәг олду.
2932 дәфә бахылыб
Лоадинҝ ...
Nur-Az Xeber
Go to TOP