Шрифт өлчүсү:
А+
А
А-
27 Апрел 2022

Әрәбистан режими Мәккә вә Мәдинәдә минләрлә Ислам абидәсини мәһв етмәји планлашдырыр

"Нәбә" телеканалы билдириб ки, Али-Сәуд режими Мәккә вә Мәдинәдә инкишаф планы бәһанәси илә минләрлә Ислам абидәсини мәһв етмәк нијјәтиндәдир.

Телеканалын вердији мәлумата ҝөрә, Мәккә вә Мәдинәдә 3 мин Ислам гәдими әсәри Сәудијјә режиминин бу әразиләри инкишаф етдирмәк гәрарына ҝөрә тәһлүкә алтындадыр.

Сәудијјә рәсмиләри Ислам тарихинә аид мәһәлләләрин вә мәканларын дағыдылмасыны өрт-басдыр етмәк вә онларын тәсирләрини мәһв етмәк үчүн тез-тез инкишаф мәсәләсиндән медиа тәблиғаты кими истифадә едирләр.

Бу јерләрин вә абидәләрин талеји һәлә дә гаранлыгдыр. Лакин Баш Туризм вә Мәдәни Ирс Тәшкилатынын гәрарынын елан едилмәси, Мәккә вә Мәдинәдә белә бөјүк һәҹмдә Ислам әсәрләринин мүәјјән едилмәси, онларын мәһв едилмәси вә ја һәгиги дәјәринин јох едилмәси гәрарындан хәбәр верир. Хүсусилә, тәшкилат бу иддиа едилән инкишаф планынын мәгсәдләриндән биринин ҝәлир әлдә етмәк вә туризми инкишаф етдирмәк олдуғуну билдирмәси, һәмин мәканларын инкишафы вә ја дәјишмә формасы вә онлары нәјин әвәз етмәси илә бағлы суаллар доғурур.

"Нәбә" телеканалынын мәлуматында даһа сонра дејилир: "Бу плана дахил олан јерләрин адлары һәлә ачыгланмајыб. Туризм вә Мәдәни Ирс Тәшкилаты бу јерләрин һәзрәт Рәсули-әкрәм (с) вә Сәудијјә Әрәбистанынын тарихи вә с. илә әлагәсини елан етмәклә кифајәтләниб.

Телеканал гејд едиб ки, Сәудијјә Әрәбистаны илләрдир Ислам ирсини мәһв етмәк үчүн аддымлар атыр, кечмиши вә мүсәлманларын гојуб ҝетдији Ислам абидәләрини мәһв етмәјә вә ҝәнҹләри Али-Сәуда аид олан, һеч үч јүз илә дә чатмајан јени бир тарихлә тәрбијә етмәјә чалышыр.
1653 дәфә бахылыб
Лоадинҝ ...
Nur-Az Xeber
02.08.22, 09:32
Ҹәннәт бејәти
Go to TOP