Шрифт өлчүсү:
А+
А
А-
18 Јанвар 2022

Јәмән БӘӘ-нин тәҹавүзүнә ракет вә дронла ҹаваб верди

Бирләшмиш Әрәб Әмирликләринин Јәмән халгына гаршы сон тәҹавүзкарлығына Сәнанын ҹавабы ҝеҹикмәјиб, ракет вә дронлар васитәсилә гисасыны алыб.
Јәмән Силаһлы Гүввәләринин мәтбуат катиби Јәһја Сәри бу ҝүн Әбу-Даби әлејһинә әмәлијјатын деталларыны ачыглајыб.
Ј. Сәри Твиттер сәһифәсиндә јазыб: “Јәмән Туфаны әмәлијјатында истифадә едилән ракетләр Гүдс 2 ганадлы ракетләридир. Мусаффаһ бөлҝәсиндәки нефт емалы заводу вә Әбу-Даби һава лиманы дөрд белә ракетлә вурулуб.
Бир әдәд Зүлфигар балистик ракети илә дә Дубај һава лиманыны һәдәфә алыныб.
Самад 3 пилотсуз тәјјарәләри дә бир сыра мүһүм вә һәссас мәркәзләри һәдәфә алыб.”
Мәтбуат катиби вурғулајыб ки, Дубај вә Әбу-Даби аеропортлары 5 балистик вә ганадлы ракет вә бир нечә дронла вурулуб.
Јәмән Силаһлы Гүввәләринин Али Баш Команданы Мәһди Әл-Мәшат Јәмән гүввәләринин БӘӘ-нин дәринликләриндә апардығы әмәлијјатлары тәбрик едәрәк дејиб: “БӘӘ-нин бу тәҹавүз вә силсилә ҹинајәтләри вә Јәмәни ишғал етмәк ҹәһдләри давам едәрсә, бу мәсәлә ҝәләҹәкдә БӘӘ-нин игтисадијјаты вә инвестисијалары үчүн реал рискләр јарадаҹаг.”
Əнсаруллаһ Һәрәкатынын рәһбәрләриндән олан Мәһәммәд Насир Бухејти дә “Спутник”-ә вердији ачыгламада сөзүҝедән мәсәләјә мүнасибәт билдирәрәк дејиб: “БӘӘ-нин Јәмән әлејһинә тәҹавүзү давам едәрсә, Јәмән гүввәләри бу өлкәнин әсас објектләри, о ҹүмләдән нефт објектләрини вә һава лиманларыны һәдәф алаҹаг.”
1349 дәфә бахылыб
Лоадинҝ ...
Nur-Az Xeber
Go to TOP