Шрифт өлчүсү:
А+
А
А-
01 Август 2021

Бир нечә фигһи мәсәлә

Намаз әснасында мөһүрүн әлдән чыхмасы
Суал: Əҝәр намаз әснасында мөһүр һансыса бир шәкилдә әлдән чыхарса, мәсәлән, ушаг мөһүрү ҝөтүрүб гачарса, намаз гылан шәхсин вәзифәси нәдир?

Ајәтуллаһ Хаменеи
Ҹаваб: Әҝәр үзәринә сәҹдә етдији шеј намаз әснасында инсанын әлиндән чыхарса вә әлинин алтында “үзәринә сәҹдә етмәјин дүзҝүн олдуғу” башга бир шеј олмазса, намаз вахты ҝениш олдуғу тәгдирдә, намазы кәсмәлидир. Намаз вахты дар олдуғу тәгдирдә исә, әҝәр палтары кәтан вә ја памбыг палтар оларса, һәмин палтарын үзәринә сәҹдә етмәлидир. Еһтијата ҝөрә, памбыг вә кәтан палтарын үзәринә сәҹдә етмәк мүмкүн олдуғу һалда башга бир шејин үзәринә сәҹдә едилмәмәлидир. Әҝәр әјниндә белә бир палтар јохдурса, еһтијат-ваҹибә ҝөрә, өз әлинин үстүнә сәҹдә етмәлидир.

Мадди зијан вуран шәхс зијаны өдәмәкдә хәҹаләт чәкдији һалда ону өдәмәјин јолу
Суал: Мән әввәлләр бир шәхсә мадди зијан вурмушам. Инди исә һәмин шәхсин јанына ҝедиб, зијаны өдәмәјә хәҹаләт чәкирәм. О пулу һәмин шәхсин тәрәфиндән фәгирә сәдәгә верә биләрәмми?

Ајәтуллаһ Хаменеи
Ҹаваб: О пулу сәдәгә вермәк кифајәт етмир вә зијанын мәбләғини һәмин шәхсин өзүнә вермәлисиниз. Бу иши онун хәбәрдар олмајаҹағы бир шәкилдә едә биләрсиниз, мәсәлән, бир шәхсин васитәчилији илә пулу она чатдыра вә ја онун банк һесабына, картына көчүрә биләрсиниз.

Шүшә үзәринә сәҹдә
Суал: Şүшә үзәринә сәҹдә етмәк олармы?

Ајәтуллаһ Садиг Руһани
Ҹаваб: Иҹазәли дејил.

Хүмс-зәкатыны өдәмәјән адамла шәрикчилик
Суал: Şәри өдәнҹләрини (хүмс вә зәкат кими) вермәдијини билдијимиз, јахуд еһтимал вердијимиз шәхсләрлә шәрикчилик етмәк олармы?

Ајәтуллаһ Зәнҹани
Ҹаваб: Шәри өдәнҹләри өдәмәдијини еһтимал вердијиниз шәхсләрлә шәрик олмағын ирады јохдур. Һабелә, әҝәр еһтимал версәниз ки, ширкәтин малына хүмс ҝәлмәјиб, шәриклијин дүзҝүнлүјүнә һөкм олунур.
Анҹаг ширкәтин малынын өзүнә хүмс ҝәлдијинә әмин олсаныз, ширкәтин малында тәсәррүф едә билмәзсиниз.
2657 дәфә бахылыб
Лоадинҝ ...
Nur-Az Xeber
Go to TOP