Шрифт өлчүсү:
А+
А
А-
02 Мај 2021

Башгаларынын әмәлинә неҹә бахмаг лазымдыр?- Арифин төвсијәси

“Лоту бир адам да мәст һалда “ја Аллаһ” десә...”

Камил ариф Мирзә Ҹавад Аға Мәлики Тәбризи ирфан вә мәрифәт јолунун јолчуларыны һидајәт етдији “Әл-Мурагибат” китабынын бир һиссәсиндә башгаларынын јахшы әмәлләринә бахыш һагда јазыр:

Диггәт етмәк лазымдыр ки, инсан өз әмәлләрини тамамилә ихлас вә сидглә јеринә јетирмәсинә сәј етмәли, тәкҹә өз гејри-халис әмәлләрини мәһв олмуш, һәтта онларын ҝүнаһ олдуғуну һесаб етмәлидир. Амма башгаларынын етдији ејни һәмин әмәли биһудә вә пуч һесаб етмәмәлидир. Чүнки ҹамаатын әмәлләрини дә елә һесаб етсә, бу ишин хејри олмајаҹаг, үстәлик, әмәлин тәрк олмасына, хејир вә јахшы ишләрин гапысынын бағланмасына сәбәб олаҹаг. Она ҝөрә дә инсанын башгаларынын әмәлләри барәдә белә өлчү ҝөтүрмәси јахшы дејил. Әксинә, Аллаһ бәндәләри илә онларын әмәлләринин заһири гәдәриндә рәфтар етмәк лазымдыр. Диҝәрләринин әмәлләрини өлчмәкдә мејар Аллаһын лүтфү олмалыдыр вә башгаларынын нагис әмәлләри барәдә јахшы ҝүманда олмалы, о әмәлләри Аллаһ дәрҝаһында гәбул олмуш һесаб етмәлидир. Үмидивар олмалыдыр ки, онларын әмәлләри гејри-халис, нагис вә гәлб һүзуру олмадан да олса, Аллаһын рәһмәт вә лүтфүндән мәјус олмајаҹаг. Мүтәал Аллаһын Өз бәндәләринин дуасыны мәһз дуа шәкилиндә гәбул етмәси ағыласығмаз дејил. Бу дуа онун мәнасы барәдә һеч бир дүшүнмәдән јалныз сөз вә ҹүмләләри демәкдән ибарәт олса да, јенә Аллаһын онларла лүтф, кәрәм, әвф вә ҝүзәшт әсасында давранмасы мүмкүндүр.

Салик чох-чох диггәтли олмалыдыр ки, һеч кими Аллаһын рәһмәтиндән мәјус етмәсин, ја бир кәсин әмәл вә ибадәтләринин тәрк олмасына баис олмасын. Һәтта, о әмәл вә ибадәтләр халис олмаса да. Чүнки мүмкүндүр ки, бир әмәлин сурәти мөвҹуд олса, илаһи нәсим дә она јетишсә вә она һәгигәт бәхш етсә, гәлбин нурланмасына сәбәб олсун. Белә ки, әмәл бүтүнлүклә дәјишәр, ибадәтинин гәлб һүзуру илә олмамасына бахмајараг, о, һидајәт оланлардан вә ниҹат тапанлардан олар.

Хүласә, әҝәр лоту бир адам да мәст һалда “ја Аллаһ” десә, мәнә белә дүшүнүрәм ки, Аллаһ она ҹаваб верәр вә ону гәбул едәр.
1002 дәфә бахылыб
Лоадинҝ ...
Nur-Az Xeber
26.11.21, 00:40
Ҝеҹә рәвајәти
Go to TOP