Шрифт өлчүсү:
А+
А
А-
04 Апрел 2021

Јәмән Әрәбистаны тәһдид етди

Јәмәнин мүдафиә назири Әрәбистанын башчылыг етдији Јәмән халгы әлејһинә тәҹавүзкар коалисијаны “бөјүк ағры” стратеҝијасы илә тәһдид едиб.
“Әл-Мәсирә”-нин вердији хәбәрә ҝөрә, Јәмән Милли Гуртулуш Һөкумәтинин мүдафиә назири Мәһәммәд Насир Атифи дејиб: “Тәҹавүзкарлар өз мәғлубијјәтини ҝизләтмәјә сәј едирләр вә онлары бу батлаға салан артыг чыхыш јолу ахтарыр.”
Мүдафиә назири әлавә едиб: “Әлимиздә олан мәлуматлар бизә имкан верир ки, тәҹавүзкарларын варлығыны ләрзәјә салаг вә Ријад, Вашингтон, Лондон, Парис, Тәл-Әвиви гәзәбләндирәк. Дүшмәнләр билмәлидр ки, тәҹүвүзү давам етдирәрләрсә, бизим сәрт ҹавабымызла үзләшәҹәкләр.”
Атифи вурғулајыб: “Һүҹумларын давам етмәси бизи вадар едир ки, дүшмәни ҹәзаландыраг. Әрәбистанын дахилиндә вура биләҹәјимиз чохлу һәдәфләримиз вардыр.”
Мүдафиә назири дејиб ки, 21 сентјабр ингилабындан сонра ракет системимизи “һазыр ол” вәзијјәтинә ҝәтирдик, онлары ҝенишләндирдик вә јени ракетләр истеһсал етдик. Бу ракетләрдән бәзиләрини нүмајиш етдирмишик, бәзиләрини дә ујғун вахтда нүмајиш етдирәҹәјик.
О гејд едиб ки, бизим ҹавабдан башга бир јолумуз јохдур. Тәҹавүзкар әрәб коалисијасынын вариантлары мәһдуддур, Әнсаруллаһын вариантлары исә ҝенишләнмәкдәдир.
Атифи даһа сонра дејиб: “Гаршыда “бөјүк ағры” стратеҝијамыз дајаныр, Әнсаруллаһ рәһбәри әмр верән кими ону һәјата кечирәҹәјик.”
1763 дәфә бахылыб
Лоадинҝ ...
Nur-Az Xeber
Go to TOP