Ənsarullah liderinin BƏƏ-yə məktubu - BƏƏ ərəb koalisiyasından çıxdı

Yəmən Ənsarullah Hərəkatı sədrinin Birləşmiş Ərəb Əmirliklərinə məktubundan sonra bu ölkə Yəmən xalqı əleyhinə hərbi koalisiyadan çıxıb.

Yəmən Ənsarullah Hərəkatının Ali Siyasi Şurasının yüksək səviyyəli üzvü Məhəmməd Əli əl-Husi öz Tvitter səhifəsində BƏƏ-nin Yəmənə qarşı hücumlarının dayanmasına aydınlıq gətirərək yazıb: “Seyid Əbdülməlik əl-Husi BƏƏ-yə məktub göndərərək bu ölkəni Yəmən əleyhinə təcavüzdən əl götürməyi tövsiyə etdi. Bu məktubdan sonra BƏƏ Ərəbistanın başçılıq etdiyi ərəb koalisiyasından rəsmi şəkildə çıxdığını elan etdi.”

Hərəkatın Ali Siyasi Şurasının üzvü əlavə edib: “Yəmən də (BƏƏ-nin koalisiyadan çıxmasından sonra) BƏƏ-yə hücumunu dayandırdı. Əgər Ərəbistan da BƏƏ kimi əməl etsə, Yəmən bu ölkəyə hücumunu dayandıracaq.”

Bu istiqamətdə Ənsarullah Hərəkatının mətbuat katibi Məhəmməd Əbdüssəlam “Əl-Cəzirə” kanalına verdiyi açıqlamada bildirib ki, Yəmən xalqına qarşı hücum və mühasirə davam etdikcə, bizim raket və dron hücumlarımız da davam edəcək.

M. Əbdüssəlam daha sonra deyib: “Humanitar aspekt hərbi və siyasi aspektlərdən fərqlənəcəyi surətdə Yəmən Milli Qurtuluş Hökuməti müzakirələrə hazırdır. Bizim Amerika ilə birbaşa görüşümüz olmayıb, lakin Amerika Yəmən müharibəsinin vasitə yox, əsas tərəflərindən biri olduğu üçün bu görüş üçün bir prolem görmürük.”

O əlavə edib ki, Yəmən Milli Qurtuluş Hökuməti başqa vasitələrlə öz baxışını Vaşinqtona təqdim edib və cavab gözləyir.

Vaşinqton da Oman vasitəsilə böhranın həlli üçün BMT-nin köhnə planını təqdim edib.
Qeyd edək ki, Ərəbistan xalq etirazlarının ardınca istafa verərək ölkədən qaçmış Mənsur Hadini hakimiyyətə qaytarmaq bəhanəsi ilə Amerika və sionist rejiminin yaşıl işığı ilə müsəlman və yoxsul Yəmən ölkəsinə hücum etmiş, onun ərazisinin bir hissəsini işğal etmişdir. Yeddinci ilə keçəcək bu müharibədə Ərəbistan on minlərlə günahsız yəmənlini qətlə yetirmişdir. Hücum və tam mühasirə səbəbindən qətliamlarının şahidi olan koalisiya üzvləri Ərəbistanı tərk etmiş və demək olar ki, bugün təcavüzkar Ərəbistan Yəmən xalqına qarşı vəhşi müharibədə tək qalmışdır. Elə bu üzdən də neçə illərdir ki, düşmən münasibətdə qaldığı Türkiyəyə üz tutmuş və bu ölkədən PUA almağa qərar vermişdir. Bundan əlavə, bir sıra KİV-lərin verdiyi xəbərlərə görə, Ərəbistan Türkiyədən istəmişdir ki, Suriyada tabeliyində olan terrorçuları pul qarşılığında Yəmən xalqı əleyhinə müharibəyə göndərsin və artıq Ankara bu istiqamətdə işlər aparır.

Ənsarullah Hərəkatının mətbuat katibi “Əl-Cəzirə” telekanalına verdiyi müsahibədə Ərəbistanın Yəmən xalqı əleyhinə Türkiyə ilə əməkdaşlığına da toxunaraq deyib: “Riyad Yəmənə qarşı müharibənin əvvəlindən Türkiyədən təyyarə alır və bu yeni bir məsələ deyil. Ərəbistan digər ölkələrdən də silah alır və özü təkbaşına heç bir iş görməyə qadir deyil.”
M. Əbdüssəlam vurğulayıb: “Silahların Ərəbistan, Türkiyə, yaxud digər ölkəyə aid olmasının əhəmiyyəti yoxdur. Çünki bu təyyarələr Yəmən hava hücumundan müdafiə sistemi tərəfindən məhv ediləcək.”

1783 dəfə baxılıb

Şərhlərə bax və Şərh yaz