Шрифт өлчүсү:
А+
А
А-
28 Декабр 2020

Русија һәрби фәаллығыны артырыр: 500-дән чох ракет системи... – Назирлик ачыглады

Дүнјада һәрби ҝүҹүндән тез-тез бәһс олунан Русија бу ил бир чох мүһүм тәлимләр кечириб.

Ҝүҹүнү тез-тез мәшгләрлә ҝөстәрән Русија 2020-ҹи илдә ракет әлејһинә мүдафиә системләри вә баллистик ракетләрин иштирак етдији һәрби тәлимләр кечириб.

Русија Мүдафиә Назирлији 2020-ҹи илдә һәјата кечирилән ракет тәлимләри барәдә мәлумат вериб. Ачыгламада тәлимләрин Капустин Јар, Јејски, Ашулук полигону вә Телемба тәлим саһәси кими бир чох нөгтәдә баш вердији хатырладылыб вә ил әрзиндә 97-дән чох тәлимин һәјата кечирилдији билдирилиб.

Назирлик маневрләрдә истифадә едилән ракетләр һаггында мәлумат вериб: “Тәлимләр заманы 500-дән чох зенит ракет вә он минләрлә зенит артиллерија сурсаты ҹанлы һәдәфләр вә пилотсуз учан апаратлар (ПУА) дахил олмагла 600-дән чох һәдәфә фокусланыб. Бу тәлимләрдә әмәлијјат-тактики вә ганадлы ракетләрдән истифадә едилиб”.

Ән чох ракет атышынын “Гафгаз-2020” тәлиминдә һәјата кечирилдији билдирилиб. Илин әсас тәлиминин “Гафгаз-2020” олдуғу, 15 дәгигәдә 62 һава һәдәфинин мәһв едилдији вә 50 зенит ракетинә әлавә олараг, 7 миндән чох сурсатын истифадә едилдији билдирилиб.

Назирлик бу тәлимләр заманы һава һүҹумундан мүдафиә гүввәләринә ПУА-лар, ганадлы вә баллистик ракет һүҹумлары кими бир чох һава васитәләринин мүмкүн зәрбәләринә гаршы тәлим верилдијини ачыглајыб.
704 дәфә бахылыб
Лоадинҝ ...
Nur-Az Xeber
Go to TOP