İki dünya sərvərimiz Muhammədun Rəsulullah!
Sevimlimiz, dilbərimiz
Muhammədun Rəsulullah!
Sayəsində nicat tapdıq, xilas olduq zəlalətdən,
Böyüyümüz, rəhbərimiz
Muhammədun Rəsulullah!
Nur gətirdi qədəmində işıq saçdı aləmlərə,
Ey ulu Peygəmbərimiz, Muhammədun Rəsulullah!
Hidayətə qovuşdurdu azgınlıqda olanları,
Pak müqəddəs nemətimiz,
Muhammədun Rəsulullah!
Quran ilə cəhalətdə yatanlara nicat verdi,
İnancımız, məzhəbimiz Muhammədun Rəsulullah!
"Rəhmətən lilaləmindir" Kitabullah xəbər verib,
Ey mərhəmət günəşimiz,
Muhammədun Rəsulullah!
Məbus olub bəşər üçün nurani etdi aləmi,
Qədri uca gövhərimiz,
Muhammədun Rəsulullah!
Sevdik Onu, seçdik Onu, ümmətiyik, həmd edərik,
İslam bizim haqq dinimiz,
Muhammədun Rəsulullah!
Seyyid Rövşən mədh eylədi xeyrül bəşər mövlasını!
İzzətimiz, şövkətimiz
Muhammədun Rəsulullah!
