Мәнә бу дунјадан һеч нә вермәјин!
Һүсејнә һәрарәт варымса, јетәр.
Нә рүтбә, нә ад-сан, тәриф демәјин!
Һүсејнә мәһәббәт варымса, јетәр.
Бу фани дүнјаны истәмирәм мән,
Онларын нөкәри олсам бәсимди.
Башга бир султаны истәмирәм мән,
Онлара әл ачыб, бахсам бәсимди.
Гапысында нөкәр олсам, шаһ оллам,
Онун лүтфү пәнаһына мөһтаҹам.
Дәрҝаһына фәдасы, валлаһ оллам,
Бир нәзәр гылса каш, оларды риҹам!
Һүсејнә мәһәббәт тәмизләр бизи,
Төвбәсиз апармаз кимсәни бу ешг.
Бу севҝи бөјүдәр, бәсләјәр бизи,
Көмәксиз бурахмаз кимсәни бу ешг.
Ровшәна, ҹәддиндән истә шәфаәт!
Ҝүнаһлар үзүндән хар олмајасан.
Онлардыр саһиби иззу-кәрамәт,
Онлара үз тут ки, зар олмајасан!
