Гејрәт давасы едән инсан Ашура ҝүнү мәсҹид һәјәтиндә гадынларын издиһамына өзүнү дүртүб фотографлыг етмәзди
Елшад Мири даһа сонра һәјасызҹасына, лајиг олдуғу тәнгидләрә ҝүја ҹаваб вермәк үчүн белә бир суал верир: "Пејғәмбәрин сүннәсини јашадығыны иддиа едән бу әхлагсызлардан сорушурам: сонунҹу пејғәмбәрин һансыса гадынын, гызынын сачынын ачыг олмасыјла бағлы һансыса тәнгидинә раст ҝәлмисинизми? Бунунла бағлы гызларына нәсә дедијинә даир әлиниздә бирҹә дәнә дә олса рәвајәт вармы?" Биз дә бу дардүшүнҹәли, әслиндә дүшүнҹәсиз инсандан сорушуруг: Сәнин әлиндә о заманкы мүсәлман гадынларын, пејғәмбәрин (с) ханымларынын, гызларынын һиҹабсыз ҝәздијинә даир бирҹә дәнә дә олса рәвајәт вармы? О вахт һиҹабсыз ҝәзән јох иди ки, Пејғәмбәр (с) чағырыб онлары данласын. Елә нәинки әсри сәадәтдә, ондан сонра, елә өтән әсрә гәдәр јашајан гадынлар, бөјүк еһтималла Елшад Миринин нәнәси дә кәләғајылы олуб. Чүнки о заман өзүнү мүсәлман һесаб едәнләр өртүнәрдиләр. Нәинки Ислам дининдә, һәтта христианлыгда, јәһудиликдә дә бу, белә иди. Һазырда да христиан раһибәләр башыачыг ҝәзмирләр.
Икинҹиси, Пејғәмбәрин (с) сүннәсиндән данышан Елшад Миридән сорушуруг: Пејғәмбәримизин (с) нә вахтса ону тәнгид едәнләрә, тәһгирин һәддини ашыб мин ҹүр төһмәтләр вуранлара, пис сифәтләри һәзрәтә нисбәт верәнләрә "инсанабәнзәр мәхлуглар", "әхлагсызлар", "шәрәфсизләр" дејибми? Нә үчүн видеонун башлығыны "инсанабәнзәр мәхлуглар" гојмусан? Нә үчүн ҹамаата "әхлагсыз", "шәрәфсиз" дејирсән?
Үчүнҹүсү, сән гејрәт давасы едән инсан олсајдын, Ашура ҝүнү мәсҹид һәјәтләриндә гадынларын издиһамына сохулуб фотографлыг етмәз, шиә әлејһинә репортаж, јазы, видео һазырламаг үчүн онларын зәнҹир вурмаларыны, синә дөјмәләрини, ағламаларыны лентә алмаздын. Јох, әҝәр бу видеодан хәбәрин јохса интернетдә ахтар тапарсан.
Дөрдүнҹүсү, сән нә вахтдан рәвајәт гәбул едән олмусан. Бәс өзүнә Гурани дејиб Гурандан башга һеч нә гәбул етмирдин? Неҹә олду ки, инди рәвајәт тәләб едирсән. Бир дә ки, сәнин ахы мәзһәбин, јолун бәлли дејил. Инди дејәрсән ки, Исламда мәзһәб сөһбәти јохдур, мән өзүмү мүсәлман һесаб едирәм. Һамы өзүнү мүсәлман һесаб едир. Сөзүмүн ҹаны будур ки, һансы һәдис, рәвајәт алимини , китабыны гәбул едирсән, ону де, она ҝөрә данышаг.
Бешинҹиси, Сән Исламы доғру анламадығын үчүн һәр шеји мәҹбуријјәт адландырыр вә инкарчы мөвге тутурсан. Әслиндә исә Исламда лазым ҝәләндә мәҹбуријјәт дә вардыр. Бир гадын әҝәр Ислама риајәт етмәјиб ҹәмијјәти фәсада чәкирсә ҹәмијјәти ондан горумаг үчүн лазыми тәдбирләр ҝөрүлүр. Мәҝәр сән Исламда ҹәзалар вә ганунларын олдуғуну билмирсән? Јохса өзүнү түлкүлүјә вурмусан?Â
Алтынҹысы, ҹамаат әслиндә Елшады гызынын һиҹабсызлығына ҝөрә тәнгид едир. О бәдбәхт өзү дә анламыр, ја да өзүнү түлкүлүјә вуруб анламаг истәмир ки, ҹамаат ону савадсыз да олса илаһијјатчы кими таныјыб нә үчүн һиҹаба риајәт етмәдијиндән өтрү тәәҹҹүбләнирләр. О исә башлајыб ки, мәним балаларын елм әһлидир, үч әҹнәби дил билир, ҝәләҹәјин алимләридир вә ҝүја ҹаһилләрин буну ҝөзү ҝөтүрмүр.
Једдинҹиси, Елшад Гуранын илк әмри олан "оху" сөзүндән данышыр. Дүздүр, Гуранда илк әмр "оху" әмридир. Амма бу әмр кимә ҝәлиб, ихласлы бир бәндәјә. Охумаг да Аллаһ рзасы үчүн, ихласла олмалыдыр. Елшад Мири нә едир? Өз аиләсинин уғурундан вә уғурсузлуғундан шоу дүзәлдир. Бах, бу данабаша демәк лазым иди ки, ај сәвијјәсиз, сәнә лазым иди АБШ-а ҝөндәрдијин баланы реклам едәсән, башына бу ишләр ҝәлсин. Ағаҹ бар верәндә башыны ашағы салыр. Һәлә чыхышында абырсыз-абырсыз дејир ки, бир гызым велосипеддән јыхылды һеч ким кәдәрләнмәди. Дејән ҝәрәк ки, нә үчүн гызынын башына ҝәлән ишләрдән шоу дүзәлдирсән. Инди бу өз аләминдә дүшүнүр ки, бу гызынын велосипед сүрдүјүнү сосиал шәбәкәдә елан етсин, ҹамаат десин ки, гыз да велосипед сүрәр. Сонра Елшад да башласын ки, дин ушагларын ојунларынын гаршысыны алмыр. Пејғәмбәр олсајды о да иҹазә верәди. Чүнки даһа ҝиҹ-ҝиҹ данышдығы мөвзулар түкәниб, инди дә бу ҹүр вәзијјәтләрдән шоу дүзәлдир. Ҹамаата "ријакар, икиүзлү, хаин" дејир, амма әсл ријакарлыг елә будур. Јәни Елшад Миринин етдији. Әлбәттә, о дејир ки, гызымын шәклини гызларын охудулмасы үчүн месаж үнванында пајлашмышам. Амма гызларын охумағынын зәрурилијини ҹәмијјәтә ҝөстәрмәк үчүн елә китаб, мәгалә јазыб ҹәмијјәтә тәлгин дә етмәк оларды. Чүнки Елшад Мири Мүсәјләмәтүл-кәззаб кимидир, сују аз гујуну мөҹүзә сајәсиндә чохалтмаг истәјәндә олан-галан су да чәкилиб ҝедир. Истәди ҹәмијјәтдә гыз ушагларынын охумасыны тәлгин етсин, гыз ушагларынын охумаға олан олан-галан рәғбәти дә итди. Бу да Елшад Миринин бәхтсизлији.
Әввәлки јазылар үчүн:
һттп://www.nur-az.com/аз/аутһор_артиҹлес/виеw/945һттп://www.nur-az.com/аз/аутһор_артиҹлес/виеw/946
