Азәрбајҹанын һәгигәтән дә өзүнәмәхсус “әнәнә“ләри вар. Мәсәлән, Азәрбајҹан јеҝанә өлкәдир ки, бир адам 20-25 ил вәзифәдә олур, фәхри адлара лајиг ҝөрүлүр вә вәзифәдән азад олунан кими милјонлары үзә чыхыр. Санки, бу адамын узун илләр әрзиндә күлли мигдарда пул мәнимсәмәсиндән һеч ким хәбәрдар дејилмиш.
Әслиндә бу “әнәнә” һакимијјәтин өзүнүифшасыдыр. Өз аләмләриндә белә тәәссүрат јаратмаг истәјирләр ки, бу адамлар коррупсионер олдугларына ҝөрә вурулублар. Амма доғурдан да белә олсајды вәзифәлиләрин 90 фаизи вурулмалыјды. Јахуд, бу адамларын коррупсионер олдуғу барәдә илләрлә јазыланлардан, дејиләнләрдән нәтиҹә чыхарыларды.
Она ҝөрә дә “филан назирин милјонлары үзә чыхды”, “филан назирин сајсыз- һесабсыз әмлакына һәбс гојулду” кими хәбәрләр јајыланда дүзҝүн нәтиҹә чыхармаг лазымды. Јәни, дүшүнмәк лазымдыр ки, вурулан мәмурун милјону тапылыбса, һазырда ишләјәнләрин милјарды вар.
Һәм дә мөвҹуд команда дәјәрләр әтрафында бирләшмәдијинә ҝөрә асанлыгла бир-бирини гурбан вермәјә һазырдылар.
Ејни заманда һәр кәс дүшүнмәлидир ки, бу өлкә нефтин гијмәтинин дүшмәсинә ҝөрә, һансыса глобал бөһрана ҝөрә, кимләринсә өзфәалијјәтинә ҝөрә тәнәззүлә уғрамајыб. Бу өлкә команда шәкилиндә “таланетмә әмәлијјаты”на ҝөрә буҝүнә дүшүб. Һәр вәзифәли 20-30 милјон гапазлајанда, тәбии ки, бүдҹәнин үзүндә “шиллә” изи галаҹаг.
Гысасы будур ки, бунлар једикҹә аҹырлар. Чох јемәк бунлары дојурмур. Әҝәр дојмуш олсајдылар, һансыса мәмурун милјону јох, 100 мини үзә чыхарды. Биз дә дүшүнәрдик ки, јаваш-јаваш дојурлар.
Белә режимләрин гарныны да, ҝөзүнү дә јалныз халг дојура биләр. Бәли, ҝәрәк белә режимләрин јемәјини әлинин дузу олан халг биширсин.
