Шрифт өлчүсү:
А+
А
А-
17 Јанвар 2015

Елчин Беһбудов: "Елшән Мустафаоғлу өзүнү тәгсирли билмир"

Һәбс олунмуш илаһијјатчы барәсиндә дөвләтә хәјанәт маддәси илә ҹинајәт иши ачылыб, һазырда МТН-ин тәҹридханасында сахланылыр

Декабрда һәбс олунан, анҹаг барәсиндә һеч бир мәлумат верилмәјән ГМИ-нин әмәкдашы, илаһијјатчы Елшән Мустафаоғлунун сахланылдығы јер бәлли олуб. АПА-нын мәлуматында ҝөрә, Ишҝәнҹәләрә Гаршы Азәрбајҹан Комитәсинин сәдри, һүгуг мүдафиәчиси Елчин Беһбудов вә мүавини Елчин Ширинов Милли Тәһлүкәсизлик Назирлијинин истинтаг тәҹридханасында сахланылан Гафгаз Мүсәлманлары Идарәсинин сектор мүдири ишләмиш Елшән Мустафаоғлу илә ҝөрүшүбләр.
Бу барәдә аҝентлијә мәлумат верән Е. Беһбудов билдириб ки, Е.Мустафаоғлу өтән ил декабрын 16-да Милли Тәһлүкәсизлик Назирлијинин әмәкдашлары тәрәфиндән тутулуб: “О, Ҹинајәт Мәҹәлләсинин 274-ҹү (дөвләтә хәјанәт) маддәсинә әсасән тәгсирләндирилир. Сахланма шәраитиндән вә она гаршы мүнасибәтдән шикајәти јохдур. Лакин өзүнү тәгсирли билмир”.
Гејд едәк ки, танынмыш илаһијјатчы Елшән Мустафаоғлу бир нечә ај әввәл ГМИ-дә ишә башламышды. Өтән илин декабрында мәтбуатда Е.Мустафаоғлунун МТН тәрәфиндән 3 ҝүн сахланылдыгдан сонра барәсиндә 4 ајлыг һәбс-гәтимкан тәдбиринин сечилмәси илә бағлы мәлумат јајылды. Анҹаг һәмин вахт МТН-ин иҹтимаијјәтлә әлагәләр мәркәзи онларда Е.Мустафаоғлунун сахланылмасы илә бағлы һәр һансы мәлуматын олмадығыны билдирмишди. Мараглыдыр ки, Е.Мустафаоғлу барәдә 4 ајлыг һәбс гәрары верән Сәбајел Рајон Мәһкәмәси дә адычәкилән шәхс барәдә мәһкәмә гәрарынын олмадығыны билдирмишди.

Елшән Мустафаоғлу Азәрбајҹанда кифајәт гәдәр танынмыш илаһијјатчы вә иҹтимаи хадимдир. Бу сәбәбдән онун һәбс хәбәри шок еффекти вериб, сосиал шәбәкәләрдә ҝедән мүзакирәләрдә онун һәбси илә бағлы бир чох фикирләр јајылыб. Лакин гәрибә дә олса рәсми гурумлар онун һәбси илә бағлы һеч бир ачыглама вермәди. Бу сәбәбдән онун һансы сәбәбдән һәбс олундуғу, һарда сахланылдығы илә бағлы дәгиг билҝи јохдур. Инди исә мәлум олур ки, илаһијјатчыја гаршы ән ағыр маддәләрдән бири илә ҹинајәт иши ачылыб.

Гәрибәдир ки, Е.Мустафаоғлунун сонунҹу иш јери олан ГМИ дә онун һәбси илә бағлы һәр һансы ачыглама вермәк истәмир. Өтән ҝүн нөвбәти дәфә ГМИ-нин мәтбуат катиби Рәһимә Дадашоваја бу барәдә суал үнванласаг да, суалымыз ҹавабсыз галды. Бизә ҝәлән мәлумата ҝөрә, Е.Мустафаоғлунун аиләси мәтбуата данышмаг истәмир. Аиләдән билдирибләр ки, мәтбуата һеч бир ачыглама олмајаҹаг. Һәмчинин аиләнин тутдуғу вәкил мәтбуатдан гачыр, мәтбуата һеч бир ачыглама верилмәмәсини аиләјә тапшырыб.

КӘНАН


6665 بازدید
در حال ارسال اطلاعات...