Азәрбајҹан Руһаниләр Мәҹлиси (АРМ) бәјанат јајараг АИП рәһбәри, Һаҹы Мөвсүм Сәмәдова гаршы олан тәзјигләрә сон гојулмасыны тәләб едир.
АРМ-ын мәтбуат хидмәтиндән Маиде.аз-а дахил олан бәјанатда дејилир:
“Бисмиллаһир-Рәһманир-Рәһим.
Сон заманлар өлкәдә баш верән инсан һагларынын тапданылмасы вә ҝүнаһсыз инсанлара гаршы тәгиб вә тәзјигләрин артмасы, һәр бир кәси нараһат етмәкдәдир. Азәрбајҹан Руһаниләр Мәҹлиси бу өлкәнин өвладларына гаршы бу рәфтар тәрзини әсла бәјәнмир, инсанлара гаршы амансыз рәфтарлара сон гојулмасыны тәләб едир.
Һамымызын шаһид олдуғу кими, Азәрбајҹан Ислам Партијасынын рәһбәри, руһани-алим Һаҹы Мөвсүм Сәмәдова гаршы һүгуг вә инсани рәфтарлара зидд олан мүнасибәтләр битиб түкәнмәк билмир. Һаҹы Мөвсүм Сәмәдовун өз һагг сәсини ҹәмијјәтә чатдырмаг мәгсәди илә аҹлыг елан етмәси белә, мөвҹуд дурумун јахшылашмасына һеч бир тәсир бағышламамамышдыр. Бүтүн бунлары нәзәрә алараг Азәрбајҹан Руһаниләр Мәҹлиси Һаҹы Мөвсүм Сәмәдова гаршы бүтүн тәзјигләрә сон гојулмасыны тәләб едир вә дини кәсимин һаглы тәләбинин јеринә јетирилмәси мәгсәди илә бүтүн әлагәдар гурумлара чағырыш едир.”
Азәрбајҹан Руһаниләр Мәҹлиси
