Шрифт өлчүсү:
А+
А
А-
16 Нојабр 2013

Намазы әввәл вахтында гыланда

Бир ҹаван идим ки, ҝүнаһ етмәкдән чәкинмирдим. Әлбәттә, бәзи ҝүнаһлар мәсәлән, шәраб ичмәк, зина, оғурлуг вә с. ишләр ҝөрмүрдүм. Амма бәзи ҝүнаһлара мәсәлән, намәһрәмә бахмаг, гејбәт етмәк вә интернет кими ҝүнаһлара јол верирдим.

Нечә вахт иди ки намазы әввәл вахт гылмаға һәвәсли идим вә бу иши тәрк етмәк истәмирдим. Һәр намаз вахты чатанда намазы әввәл вахт гылмаг истәјирдим.

Ики ја үч ил бундан габаг бир хәстәлијә тутулдум. Һәр нә етдимсә, хәстәлијим сағалмады. Буна ҝөрә һәмишә Аллаһа ҝилајә едирдим ки, хәстәлијим нијә сағалмыр, ҝөрәсән нә ҝүнаһ етмишәм?

Дәфәләрлә Аллаһа сөз верирдим ки, даһа интернет ҝүнаһлары етмәјәҹәм. Амма јенә дә тәкрарлајырдым. Бир ҝүн бөјрәкләримин ағрысындан чох нараһат идим, даһа дөзә билмирдим. Јенә дә Аллаһа сөз вердим ки, бир даһа интернетдә пис шәкилләр вә видеолар ардынҹа олмајаҹағам. Бу дәфә сөзүмүн үстүнда дурдум. Ола билсин инанмајасыныз, өзүм дә инана билмирдим. Бөјрәк хәстәлијиндән тәгрибән 3 ил иди ки әзијјәт чәкирдим, бир нечә ҝүн әрзиндә доктора мүраҹиәт етмәдән сағалдым. Бундан сонра јаваш-јаваш бүтүн ҝүнаһлардан мәсәлән, гејбәт, јалан данышмаг вә с. өзүм дә билмирәм неҹә, амма тәрк етдим. Һал-һазырда о вахтдан бир нечә ил кечиб, јенә дә ҝүнаһдан узағам. Ҝүнаһдан гуртулдугдан сонра Гуран охумаг, ҝеҹә намазы гылмаг вә с. нәсибим олуб.

Инди әҝәр билсәм о хәстәлијә бир даһа мүбтәла олмајаҹағам, јенә дә кечмишимә гајытмаг истәмәрәм. Даһа ҝөзләрим ачылыб, нәдә хејирим олдуғуну билирм.

Бу һадисәдән сонра инди баша дүшүрәм ки, хәстәлик мәним һидајәтимә сәбәб олуб вә мәни ҝүнаһлардан, гәфләтдән ојадыб. Бу һидајәт, намазы әввәл вахт гылмагдан башга бир әмәл олмајыб.

Беләликлә, намаз инсаны һидајәт едир, ҝүнаһлардан узаглашдырыр ки, вахтында гылынсын.


Nur-az.com
Дилимизә чевирди: Р. Һүсејнов


5882 بازدید
در حال ارسال اطلاعات...