Әрдәбилин имам-ҹүмәси һөҹҹәтүлислам Сејид Һәсән Амили бу һәфтәки хүтбәләрдә елан етди ки, милади 1990-ҹы ил, 20 јанварда чохсајлы азәрбајҹанлылар Совет Ордусунун Бакыја һүҹуму заманы һәлак олду. Фаҹиә баш верән заман Түркијәнин о вахткы президенти Тургут Өзала һадисә илә бағлы мәлумат вериләндә, гырылан инсанларын түрк сојлу олдуғу билдириләндә, Түркијәнин бу гәтлиама сејрчи мөвгеји писләнәндә демишди: “Азәри түркләри нә гәдәр гәтлиам едилсә нараһатлыға дәјмәз, чүнки онлар шиәдир.”
Əрдәбилин имам-ҹүмәси сөзүнүн давамында дејиб: “Ики ајдыр ки, Ирагда Әмр Әли шиә түркләр ИШИД-ын мүһасирәсиндәдир. БМТ дә хәбәрдарлыг едиб ки, дәһшәтли фаҹиә баш верә биләр. Амма Түркијә сусур. Бу түркләр шиә олдуғу үчүн Түркијә мүттәфиги ИШИД-и азад бурахыб, Тургут Өзалын јолуну ҝедир. Ајдын олур ки, Түркијәнин миллијјәтчилик иддиалары дини, милли мәнафеләри көлҝәдә гојан сијаси мәнафәләрә чатмаг үчүн бир васитәдир. Реҝиондакы түркмәнләр - Әмр Әли, Телафер, Тузһурмату түркмәнләри Истанбул јох, азәри түркҹәсиндә данышыр.” Имам-ҹүмә фаҹиәјә мүнасибәт билдирмәјән Азәрбајҹан дөвләтини дә тәнгид едиб. О билидириб ки, Ирагын шималында ИШИД гаршысында дајанан јалныз Иран Ислам Ҹүмһуријјәтидир.
