Шрифт өлчүсү:
А+
А
А-
07 Август 2014

Ләнкәранда Имам Һүсејн (ә) мәсҹидиндә тәдбир

Шәввал ајынын 8-зи Бәги Гәбристанлығынын вәһһаби үнсүрләри тәрәфиндән дағыдылмасынын илдөнүмү вә Гарабағ вә ишғал олунмуш әразиләримиздә баш верән ермәни гәддарлығыны мәһкум етмәк мәгсәди илә Ләнкәран шәһәриндә топланты кечирдилиб. Топлантыда Һаҹы Нәсими вәһһабиликдән вә онларын ҹинајәткарчылыгларындан, һабелә Бәги Гәбиристанлығыны вә Кәрбала мәзарларыны виран етмәкләриндән сөһбәт ачараг бу азғын фиргәнин фитнәкар вә сахта олдуғуну, бирбаша империалист гүввәләр тәрәфиндән дәстәкләндијини вурғулајыб. О, даһа сонра бу (империалист вә сионист) гүввәләринин Азәрбајҹан Республикасына гаршыда мәлум мөвге сәрҝиләдикләрини вә ермәни вандализими илә онларын ҹинајәткарлығына ҝөз јумдугларыны билдирәрәк шәһидләримизин руһларына дуалар охујуб. Сонда бәјанат охунуб, Мәҹлис сона битиб.
Гејд едәк ки, топланты 6 Август 2014 тарихдә, Ләнкәран шәһәри Имам Һүсејн (әлејһиссәлам) Мәсҹидиндә кечирилиб.

Бәјанат
بِسْمِ اللَّهِ الرَّحْمَٰنِ الرَّحِيمِ

وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ

Сурә Һәҹҹ, Ајә 32.

Һиҹри Гәмәри тарихи илә Шәввал ајынын 8-зи һидајәт чырағлары олан Мәсум Имамларын (әлејһимуссәлам) мәләкути һәрәм вә түрбәләринин азғын вәһһаби үнсүрләри тәрәфиндән дағыдылмасынын илдөнүмүдүр. Артыг 98 ил бу фаҹиәнин үзәриндән кечмәкдәдир. 1926-ҹы илдә баш верән 20-ҹи әсрин ән дәһшәтли вандализими бәшәријјәт тарихинә “Јовмул Һәдм” – Виран Олунмуш Ҝүн кими јазылды. О, ҝүн өзләрини “Мүсәлман” адландыран Пејғәмбәрин (сәлләллаһу әлејһи вә алиһ) јаланчы ардыҹыллары Мәдинә шәһәриндә јерләшән Бәги Гәбиристанлығына силаһлы басгын едәрәк, башда 4 Мәсум Имамларын, Имам Һәсән Мүҹтәбанын, Имам Зејнул Абидинин, Имам Муһәммәд Багирин, Имам Садигин, һабелә Үммүл Мөминин Хәдиҹәи Күбра вә Аишәни чыхмагла Ислам Пејғәмбәринин (сәлләллаһу әлејһи вә алиһ) ханымларынын вә бөјүк сәһабәләринин мәзарларыны виран етмишләр.
Бу ҝүн мәлум олан горхулу вә муртәҹе мәфкүрә саһиби олан вәһһабиләр Ислам Үммәти сыраларында тәфригә салмагла, Ислам Дүнјасы дахилиндә дахили мүһарибәнин јарадылмасына сәј ҝөстәрирләр...
Мәлум олдуғу кими Јахын Шәргдә Мүсәлман вә гејриМүсәлманлара гаршы апарылан ҝенишмигјаслы террор актлары үмүмдүнја империалист гүввәләринин, һабелә бејнәлхалг массон вә сионист тәшкилатынын мәнфур планлары чәрчивәси дахилиндә ирәли апарылыр.
Фәләстин, Сурија, Ирагдан сонра инди дә, Азәрбајҹан Республикасынын ермәни дашнаксүтүн үнсүрләри тәрәфиндән 20%-дән чох ишғал олунмуш әразиләриндә, Азәрбајҹан Шиәләринин нөвбәти гырғынына старт верилиб. Бүтүн бунлар исә бејнәлхалг аләмин ҝөзләри гаршысында баш верир!
Гарабағ, Гәззә, Ираг вә Суријанын мәзлум Шиә вә Мүсәлманларына гаршы апарылан ҹинајәтләр гаршысында сусан бәзи Ислам өлкәләринин рәһбәрләринин сојугганлы рәфтарлары исә, бизә онларын даим АБШ вә сионизимә гул олдугларыны хатырладыр...
Муһәммәдин (сәлләллаһу әлејһи вә алиһ) Маарифи Ишығында Елми Иҹмасы вә бир груп Ләнкәран рајон диндарлары бу үрәкағрыдыҹы һадисәләри – Бәги Гәбиристанлығынын дағыдылмасы, Фәләстин, Гарабағ вә с. Ислам өлкәләринин ишғал олунмаларыны башда Имам Заман (Аллаһ Онун Шәрафәтли Зүһуруну тезләшдирсин) һәзрәтләринә, Ајәтуллаһ Хаменеијә, Али Тәглид Мәрҹәләринә, бүтүн дүнја Мүсәлманларына дәрин һүзн илә баш сағлығы верир. Еләҹә дә Ислам Үммәтиндән, Ислам символларыны хүсусән Бәги Гәбиристанлығынын, о ҹүмләдән дүнјанын бүтүн јерләриндәки Ислами зијарәтҝаһларын азғын вәһһаби үнсүрләри тәрәфиндән дағыдылмасыны кәскин сүрәтдә писләјәрәк мәһкум етмәкләрини тәмәнна едирик.

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

Сүрә Сафф, Ајә 8.

Е.Ағајев

Nur-az.com


7442 بازدید
در حال ارسال اطلاعات...