Азәрбајҹанда шиәлијә гаршы дүшмәнчилијин олмасы мәсәләси тәкҹә Азәрбајҹанда дејил, артыг бүтүн дүнјада билинән мәсәләдир. Минләрлә диндар, руһани һәбсдәдир. Наркотик алверчиси вә Иран аҝенти һесаб едиләрәк һәбс едилибләр. Онлара бу бөһтаны атан шәрәфсиз инсанлар бир ҝүн ҝәләҹәк Аллаһын шиддәтли гәзәбинә мәруз галаҹаглар. Бу, Аллаһын вәдидир, кафир олмајанлар бу вәдә инанарлар.
Һеч бир өлкәдә бизин өлкәдә олан шәрәфсизлик һәлә ҝөрүнмәјиб. Рәзил һакимијјәт руһанисини, диндарыны гоншу өлкә олан Иранла арасы дәјдији үчүн һәбсә атыб. Тәсәввүр един ки, Иранын горхусундан Зәнҝәзура јахын ҝәлә билмәдиләр бунун һејфини Иранда тәһсил алан руһаниләрдән, диндарлардан чыхдылар.
Үстәлик индиләрдә ара бир гәдәр дүзәлиб. Артыг Азәрбајҹанда гысајубкалы ҹаван гызлары һәдәләјиб, маашы кәсмәклә, ишдән говмагла горхудуб ефирләрә чыхарыб "о тајлы бу тајлы Азәрбајҹан" нағыллары данышдырмырлар. Әлбәттә үмид едирдик ки, Иранла Азәрбајҹан һакимијјәтинин арасы дүзәлсә һәбс едилән мәзлумлар да азадлыға бурахылар. Амма һәлә дә бурахылмајыблар.
Үстәлик бүтүн ҝүнү һакимијјәтә јалтагланан вәһһабиләрә дәјмәјән һакимијјәт һәтта сүннүләрә дә ган уддурмағы гаршыја мәгсәд гојуб.
Чүнки вәзијјәт бир гәдәр дәјишиб. Мәсәлә будур ки, Түркијә президенти Әрдоған сионист режимлә бир олуб Азәрбајҹан һакимијјәтини Иранла мүһарибәјә ҹәлб етмәк истәјирди. Зәнҝәзур сөһбәти алынмајандан сонра Иранла разылыға ҝәлдиләр. Даһа сонра сионист режимин өзүнүн башы бәлаја ҝирди. Һәмас, Һизбуллаһ вә диҝәр мүгавимәт гүввәләринин һүҹумларына мәруз галыблар. Фәләстиндә гырылан, шәһид едилән минләрлә инсандан өтрү диҝәрләри кими Әрдоған да бәјанатла олса да данышыр, јағмаса да ҝурулдајыр. Сырф бундан өтрү Әрдоған илә сионист режимин арасы дәјиб. Азәрбајҹан һакимијјәти исә ҝөрүнүр бу ики јолајрыҹында сионистин јанында олмағы гәрара алыб. Сионист режимә ҝөрә Түркијә илә белә дүшмән олмаға һазырдылар. Чүнки һакимијјәтин өзү сионист режиминин әлалтысыдыр. Јүксәк рүтбәли мәмурлар арасында сионист өнүндә әјилиб икигат оланлар, оналара өлкәјә ҝәләндә онларын пишвазына чыханлар, онларын тәлиматлары илә отуруб дуранлар вар. Үстәлик Азәрбајҹан медиасы да сионист режимин әлиндә ојунҹагдыр. Халга нәинки Иранын, һәтта Түркијәнин белә дүшмән олдуғуну сионистә ҝөрә тәблиғ етмәјә һазырдылар.
Буна ҝөрә дә өлкәдә артыг сүннүләрә белә ган уддурмаға башлајыблар. Белә ки бу јахынларда сүннү мәзһәбли ҝәнҹ дин хадиминин (Фирудин Күрдәмирли) үзүндәки саггалы бөлмәдә гырхыблар. Она ҝөрә ки, бу ҝәнҹ илаһијјатчы Фәләстин мәзлумлары үчүн нечә мин мәбләғиндә јардым топлајыб онлара чатдыра билиб. Ондан башга сионист өнүндә сусдуғу үчүн ГМИ сәдри Аллаһшүкүр Пашазадәни дә өзүнүн сосиал шәбәкә һесабында сәрт шәкилдә тәнгид етмишди. Өлкәдә ҝөрүнүр ки, тәкҹә вәһһабиләрә дәјмирләр. Чүнки вәһһабиләр өзләрини заһирдә гузу кими апарырлар. Амма унутмајаг ки, бу "гузулуг" мүвәггәтидир. Сәудијјәнин сарај јалтағы олан шејхләри һәлә ки, өлкәмиздәки ағлы саггалындан аз олан хәбис вәһһаби сүрүсүнә фәтва вермәјибләр. Һәләлик онлара гузу олмаг тапшырылыб.
