Расим Балајевин үстүнә јаман дүшүбләр. Әслиндә бир јандан да гынајанлара һагг вермәк олур. Чүнки сосиал шәбәкәләрдә Расим Балајев индијәдәк Азәрбајҹанда мөвҹуд вәзијјәти гынајырды. Анҹаг шикајәт, анҹаг етираз. Һаглы олараг да илк олараг инсанын ағлына президент ҝәлир. Чүнки президент өлкәјә бахмалы, дүзәлтмәли, гајдајасын салмалыдыр. Демәли бу минвалла инсанлар ҝөзләјирди ки, Расим Балајев Илһамла ҝөрүшәндә һеч олмаса ән азындан "40 ил гул кими јашамагданса..." дејиб она хәбәрдарлыг едәҹәк. Амма Расим Балајев инсанлары хәјал гырыглығына уғратды. Дуруб нә сәнә нә мәнә бахмадан Илһам Әлијевә деди ки, Бабәк сәнсән, биз образ јарадырыг.
Әслиндә гынајанларын да сәһви вар. Сәһвләри дә Расим Балајеви Бабәк һесаб етмәләридир. Мәҝәр Расим Балајев һәгиги гәһрәман задды? Бәли ола биләрди, амма олмаг истәмир.
Даһа сонра Балајев мүсаһибә вериб дејир ки, мәни нијә гынајырсыз, мән бу күтләдән олмаг истәмирәм. Ону гынајанлар әслиндә клавиатура гәһрәманыдыса онда һеч зад. Башгасындан Бабәк олмағы ҝөзләмәк асандыр. Габағына бир стәкан чај, ширни мирни гојуб компүтер архасында Расим Балајевдән бабәклик ҝөзләмәјә нә вар ахы? Ону Расим Балајев дә баҹарар. Һүнәрин вар чых Илһам Әлијевин габағына. Она ҝөрә дә Расим Балајев дејир ки, мән бу күтләдән олмаг истәмирәм.
Расим Балајевин мөвгеји бир јана дурсун, амма халгын адындан адам ҝәрәк данышмасын. Сән севирсән, ашигсән өзүн биләрсән. Халгын адындан данышмаг ихтијарыныз јохдур ахы.
ББҸ апарыҹысы да ону дејиб ки, ҝәрәк халгын адындан данышмајасыз. Үстәлик орда тәриф етмәјә вахт тапырсызса ҝәрәк тәнгид дә едәсиз. Зијалы ҝәрәк белә шејләри баҹарсын.
