Шрифт өлчүсү:
А+
А
А-
26 Апрел 2022

"Ајфон јағышы" олар рәһмәт јағышы олмаз?

Мәлуматда дејилир ки, Маштағада мәсҹидә дахил олуб мөминләрин мәҹлисләрини дағыдыблар. Үстәлик мүбарәк Рамазан ајынын гәдир ҝеҹәсиндә. Һансы ки билдијимиз кими мүбарәк Рамазан ајында Гуран назил едилиб вә назил едилән Гуранын Гәдир сүрәсинә бахсаг ҝөрәрик ки, Аллаһ бу ҝеҹәни о гәдәр мүбарәк гәрар вериб ки, мин ајдан даһа хејирли һесаб едиб. Бу ҝеҹә мәләкләр јерә назил олар, сүбһә гәдәр саламатчылыг олар. Амма нәдәнсә залым зүмрә өзләри бир јандан халгы сојуб соғана чевирир, бүтүн мәнәвијјатыны өлдүрүр, мадди вәзијјәтини пис ҝүнә гојур, диҝәр тәрәфдән дә мөминләр бу ҹүр ҝеҹәләрдә мәнәвијјат, саламатлыг, әмин аманлыг ардынҹа оланда нараһат олурлар, онлара сүни манеәләр чыхарырлар. Беләликлә дә ишләринин там олмасыны истәјирләр. Чүнки телеканаллары телеканализасијаја чевирибләр, әхлагсызлар, шоучулар ат ојнадыр, белә олан һалда һансыса мәсҹиддә инсанлар јығылыб Аллаһ, Пејғәмбәр (с) кәламы ешидирсә гаршысыны алырлар ки, инсанлар мәнәвијјат топлаја, нәфсләрини сафлашдыра билмәсинләр. Хүсусилә дә буну шиәләрин јығылдыглары мәҹлисләрдә едирләр. Чүнки шиәләр мүбарәк гәдир ҝеҹәләриндә һәм дә әдаләт гурбаны олмуш Имам Әлидән (ә) данышыр, әдаләтин нә олдуғуну өјрәнирләр. Гәдир ҝеҹәләри һәм дә Имамын (ә) шәһид едилдији ҝүнләрдир. Бу исә хиртдәјә гәдәр коррупсија, гоһумбазлыг, һагсызлыг, әдаләтсизлик олан бир өлкәдә бир пара виҹданына түпүрән инсанларын аҹығына ҝәлир. Чүнки онлар дағыдыб пис ҝүнә гојдуглары өлкә әһалисини даим мәзлум, алчалмыш, һаггы тапдаланмыш ҝөрмәк истәјирләр.

Демәли белә чыхыр ки, рәһмәт јағышы өлкәдә олмаз. Мин бир бәһанә едиб корона морона сөһбәтләрини ортаја сохуб мәҹлисләри дағыдырлар. Амма онларын ҝөзләринә бир мүддәт әввәл баш вермиш бир һадисәни дә салмаг лазымдыр. Белә ки, тәрбијәсиз блоҝҝерләрдән бири Азәрбајҹанда "ајфон јағышы" тәшкил едир, инсанлар бир бирини дидир, бир биринин үстүнә чыхыр, өзләрини "трјапка" ҝөркәминә салырлар. Бүтүн бунлары бир андыра галмыш ајфон уҹбатындан едирләр. Бурда исә бир виҹдансызын, алчағын, нәсил нәҹабәтини сөјдүрәнин нараһат олдуғуну, ҝәлиб мәҹлиси дағытдығыны ҝөрә билмәзсән. Чүнки рәһмәт јағышы олмаз амма ајфон јағышы олар. Белә дүшүнүрләр. Чүнки алчагларын әлиндә галан бу өлкәдә елә о ҹүр ахмаг, әхлагсыз инсанларын ҝәлиб белә һоггалар чыхартмасы лазымдыр. Бәлкә дә о ахмаға бизим алчаглар да һәлә дуруб 10-15 дәнә дә баһалы телефонлар алыб верибләр ки, халгын башы даһа чох белә шејләрә гарышсын. Мәнәвијјат даһа чох арадан ҝетсин. Мөминләрин исә Аллаһа һәмд олсун ки, сајлары ҝүндән ҝүнә артыр. Нә гәдәр бу ҹүр алчаглыг едирләр бир о гәдәр маскалары ҹырылыр, ифша олурлар. Бундан сонра да диндарлар ајыг сајыг олмалы, бу ҹүр әхлагсыз програмлары, онларын тәшкилатчыларыны, спонсорларыны, иҹазә верәнләрини ифша етмәли, гәдир ҝеҹәләриндә мәҹлисләри долдурмалыдырлар.


686 بازدید
در حال ارسال اطلاعات...