Азәрбајҹанда Һаҹы Илгар Ибраһимоғлу, Шејх Сәрдар вә онларла бирликдә һәбс едилән бир нечә руһанидән сонра башга илаһијјатчылар - Һаҹы Мирҹәфәр вә Һаҹы Васифин дә һәбс едилмәси хәбәри ешидилди. Һәбс едиләнләр Иранда тәһсил алан шәхсләрдир. Иран тәкҹә бу шәхсләрә јох, узун илләрдир нә гәдәр азәрбајҹанлы сојдашларымыза да диҝәр хариҹи өлкәләрдән Ирана охумаг үчүн ҝедән инсанлара тәһсил вердији кими тәһсил вериб охутмушдур. Һәбсләрә диггәт едәндә ҝөрүрүк ки, Иранда тәһсил аланлардан башга диҝәр өлкәләрдә тәһсил алан кимсә һәбс едилмәјиб. Әлбәттә, биз һеч бир руһанинин зүлмә мәруз галмасыны истәмирик. Амма мәсәлә бурасындадыр ки, Азәрбајҹан һакимијјәти Иранла бир балаҹа арасы дәјән кими санки Иран вәтәндашларыны һәбс едирмиш кими азәрбајҹанлы руһаниләри һәбс едир. Беләликлә дә бәдбәхт вә рәзил һакимијјәт истәјир ки, Ирана десин ки, бахын, сиз бизимлә јола ҝетмирсиз, биз дә сизин тәләбәләринизи һәбс едирик. Һалбуки Иран бу руһаниләрдән бир гәпик белә тәләб етмәдән онлара тәмәннасыз тәһсил, јатагхана, јемәк, ајлыг пул вериб тәһсил алдыглары мүддәтдә јахшы доланмаларыны тәмин етмишдир. Будурму сизин Ирана тәшәккүр борҹунуз? Писми едиб сизин өвладларыныза дин өјрәтсинләр дејә онлара елм вә тәһсил верибләр? Бу руһаниләр дә халга дин, мәнәвијјат өјрәтмәкдән әлавә һеч бир "ҝүнаһ" иш ҝөрмәјибләр. Һакимијјәт һүнәр вә кишилик ҝөстәриб шәффаф мәһкәмә дә кечирә билмир. Чүнки онсуз да шәр олдуглары халга, бүтүн дүнјаја бәлли олдуғу һалда бир аз даһа чох биабыр олмаларындан горхурлар.
Бу иш сырф Иранын дини елитасына аҹыг вермәкдән башга бир шеј дејил. Чүнки мәсәлә сијаси бир шеј олсајды Али Дини Лидерин Азәрбајҹандакы нүмајәндәсинин ҝетмәсиндән, һүсејнијјәсинин, офисинин бағланмасындан сонра елә Иран сәфирини дә өлкәдән чыхарардылар. Ҝөрүнүр мәсәлә сионист планы әсасындадыр. Рәзил вә алчаг һакимијјәт өз вәтәндашыны сионсит Исраилә хош ҝетсин дејә һәбс едиб Ирана аҹыг верир.
