Vadi əl-muhəssir (Həsrət vadisi) Məkkə yaxınlığında Mina və Muzdəlifə arasında yerləşir. Vadi ən-nar (Od vadisi) və Vadi əl-məğzub ələyhim (Qəzəbə gəlmiş vadi) kimi də adlanan bu məkan 20 metr enində və 2 km. uzunluğundadır.
Allah Evinin hacıları Peyğəmbəri (s) örnək götürərək bu vadiyə çatdıqda, buradan sürətlə ötüb keçməyə çalışırlar.
Kəbəni dağıtmaq üçün gəlmiş Əbrəhə ordusuna Vadi əl-muhəssirdə Allahın qəzəbi nazil olduğu və Əbabil quşlarının vasitəsilə həlak olduqları üçün bu məkanda dayanmaq qadağan olunmuşdur.
Vadi əl-muhəssir nə Minadan, nə də Məşərdən sayılır. Hacılar Məşərdən keçdikdən sonra Vadi əl-muhəssirə çatırlar, daha sonra Minaya daxil olurlar. Onların bu məkanı bir qədər sürətlə ötməsi, yaxud buraya çatdıqda qaça-qaça ötüb-keçməsi bəynəlilir və burada qalmaları, yaxud dayanmaları icazəli deyil.
Həcc əməlləri kitablarında vurğulanır ki, günəş çıxmazdan qabaq bu vadidən keçmək və Minaya daxil olmaq icazəli deyil.
