Јатмыш шир, гачан довшан, рус ајысы вә дағылыб ҝедән (боз)гурдлар
Тәгрибән он ҝүн иди ки, ишғалчы Ермәнистанла Азәрбајҹан ордусу арасында мүһарибә ҝедирди. Һәтта, илләрдир, нечә он илләрдир ки, Азрбајҹан һакимијјәтиндән хәјанәт ҝөрән халгымыз дүшүнмүшдү ки, даһа атәшкәс битди, инди дүшмәни кәсмәк лазымдыр. Бир јандан да дөвләтин јүксәк постларындан едилән пафослу чыхышлар буну демәјә халга әсас вермишди ки, даһа данышыглар масасы битди, ҝүҹ ҝөстәрмәк вахтыдыр. Һәтта бәзи адамлар белә дүшүнүрдү ки, Азәрбајҹан – илләрин јатмыш шири артыг ајылыб, габағына Ермәнистана көмәк мәгсәдијлә чыхан һәр бир кәси – һәтта Русија белә олса - басдалајыб кечәҹәк. Амма, ҝөрүнән одур ки, Ермәнистаны габағындан сичан кими гачырдан јатмыш ширин габағына рус ајысы чыхды, һәтта бозгурдлар (ҝүја Түркијә) артыг сәс-сәмир чыхара билмир.
Һалбуки Азәрбајҹанда дөвләтин јүксәк постлары сәвијјәсиндә гәзәбли шәкилдә әлимизи стола вурур, “рәдд олун ҝедин торпагларымыздан” дејир, бир даһа данышыг масасы филан олмајаҹаг кими пафослу чыхышлар едирдик. Һәтта бу чыхышларын дозасы о гәдәр чох иди ки, дејирдик ки, бүтүн торпагларымызы гајтармасалар биз мүһарибәдән чәкинән дејилик. Бәли, бүтүн бунлар рус ајысынын ишә гарышаҹағы вахта гәдәр ола билир.
Рус ајысы затән Гәрбә мејл едән Пашинјана ҝөздағы вермәк истәди. 10 ҝүнлүк ҝөз дағы илә дә кифајәтләндиләр. Бу он ҝүн әрзиндә Азәрбајҹан ордусу үчүн дә фүрсәт олду ки, өзүнү ҝөстәрсин.
Даһа сонра он ҝүн әрзиндә өз рәшадәтини ҝөсәтәрән бир ордуја јенә јухарыдан әмр ҝәлди ки, артыг бәсдир. Русија он ҝүнлүк рәшадәти, пафослу чыхышлары бир нечә саатын ичиндән мәһв еләди.
Дүздүр, Азәрбајҹан јатмыш шир олса да бир даһа ҝөстәрди ки, рус ајысы ишә гарышдымы ҝери чәкилир. Чүнки Азәрбајҹанда мөвҹуд олан һакимијјәт даим русун көлҝәсиндә ајагда галан бир һакимијјәтдир. Нәтиҹә дә нөвбәти дәфә андыра галмыш атәшкәс имзаланды. Амма бу дәфә дә атәшкәсин нә вахта гәдәр давам едәҹәји билинмир. Бу атәшкәс бизим ордумузун вә халгымызын ирадәсини кәсән бир имзадыр. Әҝәр белә олаҹагдыса нә үчүн мүһарибә башланды, мәмурларын порсуг балалары ҝизләнди, јетим-јесири габаға вериб ганыны төкдүләр. Јох әҝәр он ҝүн давам едиб сонра атәшкәсә ҝедилҹәкдисә о пафослу чыхышлар нә иди. Үсәтлик һәмин пафослу чыхышларын үзәриндән һеч ики-үч ҝүн кечмәди ки, чыхышларымызы бизә јағлы тикә кими једиздирдиләр.
Шәһидләри бу гәдәр тәһгир етмәк, халгын һисләријлә бу ҹүр ојнамаг олмаз.
