Гадын мәсәләсиндә сиз мүдафиә мөвгејиндә дурмамалы, һүҹума кечмәлисиниз. Онлар бизә етираз едирләр ки, нә үчүн гадынларыныз һиҹаблыдыр? Нә үчүн һиҹаб мәҹбуридир? Әввәла, онларын өзләри дә һиҹабсызлығы мәҹбури етмишләр. Бу бир мәсәлә. Лакин онларын гадын проблеми олдугҹа бөјүкдүр. Гәрб мәдәнијјәтиндә, Гәрб дүнјасында гадын позғунлуға чәкилмиш, тәһгир олунмушдур. Дипломатик мүзакирәләр заманы гадын вә кишинин бир-биринин јанында, чијин-чијинә отурмасы гәрблиләрин гадына вурдуглары зәрбәләри дүзәлдә билмәз. Онлар гадындан ләззәт вә еһтирас аләти кими истифадә едирләр. Онлар дүшүнүрләр ки, бәзәнмәјән гадынын дәјәри јохдур; гадын бәзәниб-дүзәнмәлидир ки, кишиләр ону бәјәнсинләр. Бу, гадына гаршы ән бөјүк тәһгирдир. Сизин сөзүнүз вар вә бу мәсәләләрдә иддиалысыныз.
Һиҹабы гадаған етмәклә Гәрб демократијасынын јаланынын үзә чыхмасы
Ингилаб шүарларынын ҝөрүндүјү 1978-ҹи илин биринҹи јарысында Американын озаманкы президенти олан Картер Ирана ҝәлди вә бир иҹласда онун үчүн һазырланан чыхышы охумајыб бәдаһәтән башдан-ајаға Мәһәммәдрзаны тәрифләјән бир нитг сөјләмәјә башлады. Һәмин иши бу ҝүн дә дүнјанын чохлу јерләриндә ҝөрүрләр, әввәлләр дә ҝөрмүшләр, бундан сонра да ҝөрәҹәкләр. Мәсәлә бурасындадыр ки, онлар ејни заманда демократија иддиасы едирләр вә дүнја бу иддиалара инаныр. Биз өз ҹәмијјәтимизә бахдыгда бәзи тәсирли вә савадлы инсанларын, зијалылыг иддиасында оланларын демократијадан вә халгын сәсинә һөрмәтдән сөз дүшдүкдә тез Американы хатырладыгларыны ҝөрүрүк. Онлар јалан дејирләр, демократијаја, азадлыға вә халгын сәсинә әсла һөрмәт етмирләр. Бунун нүмунәси бәзи Авропа өлкәләринин мәктәбләриндә һиҹабын гадаған олунмасыдыр. Онлар гыз шаҝирдләрин башөртүјү илә синфә ҝедиб дәрс охумасына иҹазә вермирләр. Демәли, бу ҝүн һеҝемонлуғун әсас тактикасы дүнјаны вә бәшәријјәти алдатмагдан ибарәтдир.
Гадын һүгугларына ҝөрә Гәрбә гаршы тәләбкар олмаг
Дәфәләрлә дедијим кими, гадын мәсәләсиндә бизим иддиаларымыз, дүнјадан тәләбләримиз вар. Бирләшмиш Милләтләр Тәшкилатына бағлы олан вә олмајан мүәссисәләрин, јахуд филан журналист тәшкилатынын ҝәлиб инсан һүгуглары ады алтында һиҹаб мәсәләсини вә бу гәбилдән олан диҝәр мәсәләләри суал алтына салмасы, тәләбкарлыг етмәси мәсәләнин һәгигәтини дәјишдирмир. Биз бу мәсәләдә дүнјаја гаршы тәләбкарыг. Дүнја дедикдә Гәрб дүнјасыны нәзәрдә тутурам. Биз Гәрб дүнјасына мүраҹиәт едиб дејирик: Сиз үмуми шәкилдә бүтүн бәшәријјәтә вә хүсуси олараг гадына хәјанәт етмисиниз. Сиз гадын вә кишини ҹинси мәсәләләрә чәкмәклә, ҹәмијјәтдә ганунсуз вә низам-интизамсыз ҹинси ифратчылыглары ҝенишләндирмәклә вә гадыны ҹазибәдар шәкилдә сәһнәјә чыхармагла она хәјанәт етмисиниз. Мәлумдур ки, гадын бәшәр хилгәтинин ҝөзәл һиссәсидир. Бу ҝөзәл һиссә тәбии формада бир гәдәр пәрдәли олмалыдыр. Бу, инсан варлығынын ҝөзәл вә зәриф һиссәсинин хисләтидир. Бу пәрдәни ҝөтүрмәк, низам-интизам, ганун тәләб едән бир шеји, һәм гадында, һәм дә кишидә олан ҹинси инстинкти низамсыз бурахмаг биринҹи нөвбәдә гадына, икинҹи нөвбәдә исә гадын вә кишиләрдән ибарәт олан бүтүн бәшәријјәтә ән бөјүк хәјанәтдир. Гәрб бу иши ҝөрмүшдүр вә тәбии ки, илк вә ән бөјүк зәрәр дә өзләринә тохунмушдур.
Инди һәмҹинсбазлыг мәсәләси Гәрб дүнјасында бир проблемә чеврилмишдир. Дүздүр, үз вурмурлар, амма һәгигәт будур ки, бу ҝүн онларын мүтәфәккирләри үчүн бөјүк вә чарәсиз дәрдләрдән бири будур вә чыхыш јолу тапа билмирләр. Ҹинси мәсәләләрә, гадын вә киши мүнасибәтләринә даир белә ишләрин, бајағы вә чылпаг әдәбијјатдан истифадәнин, гадын ҹинсини - бәшәрин ҝөзәл, зәриф вә өртүлү һиссәсини иш, пешә вә рекламдан өтрү мејдана чәкмәјин, онун тәбәссүмүндән, ҝөзәллијиндән, бәдәниндән вә чөһрәсиндән филан дәјәрсиз вә әскик мәһсулу реклам едиб пул газанмаг үчүн истифадә етмәјин тәбии сонуҹу белә дә олмалыдыр. Гәрб дүнјасы, Гәрбин сијасәти буну етмишдир. Бу, динләрә мәхсус дејил, мәсиһилик вә јәһудилијә аидијјәти јохдур, тәхминән 150 ил өнҹәдән дүнјада башладылан јени сијасәтин нәтиҹәсидир.
Һиҹабы ләғв етмәјин иффәти мәһв етмәјә мүгәддимә олмасы
Гәрб гадынынын фәсад батаглығына ҝирмәси аилә институтунун мәһвинә ҝәтириб чыхарды. Һиҹабы ләғв етмәклә гадын елмдә, сијасәтдә, јахуд иҹтимаи фәалијјәтләрдә инкишаф етмәди. Бунларын һамысы һиҹаб вә иффәтлә дә мүмкүн иди. Биз Ислам гурулушунда буну сынагдан чыхардыг. Һиҹабы ләғв етмәк иффәти мәһв етмәјә, Ислам ҹәмијјәтиндә һәјаны сырадан чыхармаға мүгәддимә иди вә инсанлары чох ҝүҹлү ҹинси амиллә мәшғул етмәкдән өтрү һәјата кечирилди. Мәгсәд онлары бүтүн ишләрдән сахламаг иди. Бир мүддәт буна наил олдулар, амма Иран халгынын ҝүҹлү иманы гојмады. Бизим мүсәлман гадынларымыз јарадылан әнҝәлләрә рәғмән, һәмишә бу тәзјигин гаршысында мүгавимәт ҝөстәрдиләр; Рза хан ҝедәндән сонра бир ҹүр, онун дөврүндә бир ҹүр, тағут режиминин диҝәр дөврләриндә дә бир ҹүр. Буна ҝөрә 1978-ҹи илин јанвар ајынын једдисиндә Мәшһәддә мүсәлман гадынларын һиҹабы мүдафиә үчүн кечирдикләри бөјүк митинг баш тутду. Биз о заман сүрҝүндә идик. Мәлумат алдыг ки, мөмин, мүсәлман вә шүҹаәтли гадынлар белә бир һәрәкәт етмишләр. Бу, тағут режиминин фаҹиәләринин бир һиссәсидир. Дини амаллары, әхлаги дәјәрләри, игтисади инкишафы вә бејнәлхалг игтидары мәһв етмәк, бир халгын сәрвәтләрини һаваја совурмаг һәмин тағут вә бәднам режимин ишләриндән иди.
Ајәтуллаһ Сејид Әли Хаменеи
Nur-az.com
