Шрифт өлчүсү:
А+
А
А-
08 Апрел 2020

Әл-Мурагибат китабындан бир јарпаг - Нимеји-шәбан

Һәзрәт Имам Заманын (әҹ) мөвлуд ҝүнү-Нимеји-шәбан мүнасибәтилә камил ариф Мирзә Ҹавад Аға Мәлики Тәбризинин дәјәрли “Әл-Мурагибат” китабындан бир һиссәни сизә тәгдим едирик.

Нимеји-шәбанын (Шәбан ајынын орта ҝүнү) әмәл вә мүрагибәтләри

Шәбанын он бешинҹи ҝеҹәси вә ҝүндүзү чох дәјәрли вә шәрәфли вахтлардан сајылыр. Бу ҝүн бөјүк шәнә, чохлу бәрәкәт вә парлаг нурлара саһибдир. Бу ҝүнүн вүҹудунда о гәдәр хејир-бәрәкәт вардыр ки, салик шәхс онун һәр биринин һаггыны јеринә јетирмәк үчүн өзүнүн бүтүн тәлашыны ишә салмалыдыр. 

Нимеји-шәбанын (Шәбан ајынын ортасы) ҝеҹә вә ҝүндүзүндә олан хејир-бәрәкәтләр ашағыдакы кимидир:

1. Бир чох рәвајәтдә ҝәлмишдир: “Нимеји-шәбан ҝеҹәси Гәдр ҝеҹәләриндән биридир вә һәмин ҝеҹә рузи вә өлүмүн бөлүндүјү ҝеҹәдир.” 

Бәзи рәвајәтдә дә ҝәлмишдир: “Мүтәал Аллаһ Гәдр ҝеҹәсини Пејғәмбәр (с) үчүн гәрар вердији кими Нимеји-шәбан ҝеҹәсини имамлар үчүн гәрар вермишдир.”
Гәдр ҝеҹәсинин бир ҝеҹәдән артыг олмасынын һеч бир ирады јохдур. Чүнки илаһи тәгдирләрин өзүнүн мәртәбәләри вардыр.

2. Нимеји-шәбан ҝеҹәси Имам Һүсејни (ә) зијарәт етмәк ҝеҹәсидир. Бу ҝеҹә мәләкләрдән әлавә, 124 мин пејғәмбәр дә Имам Һүсејнин (ә) мәзарыны зијарәт едир.

Бу мәсәлә Нимеји-шәбан ҝеҹәсинин әзәмәт вә бөјүклүјүнү ҝөстәрир.

3. Бу ҝеҹә ојаг галмаг вә еһја мәрасими сахламаг тәкид олмушдур. Нимеји-шәбанын төвсијә олунмуш дәјәрли әмәл вә ибадәтләри барәдә ҹүрәтлә демәк олар ки, һеч бир ҝеҹә үчүн –истәр Гәдр ҝеҹәси олсун, истәрсә дә диҝәр ҝеҹәләр үчүн– онун кими вә ја ондан артыг әмәл төвсијә олунмамышдыр.

4. Шәбан ајынын он бешинҹи ҝеҹәси јерин ҝәләҹәјинин онун әлинә тапшырылдығы бир имам дүнјаја ҝәлмишдир. О имам дүнјаны әдаләтлә долдураҹаг, мөминләри гәләбәјә чатдыраҹаг, Аллаһын әдаләт бајрағыны јер үзүндә галдыраҹаг. О, бүтүн дини вә дүнјәви ҹәһәтләрә һөкумәт едәҹәк бир кәсдир.

Нимеји-шәбанын мүһүм әмәлләри
1. Салик шәхс Нимеји-шәбан ҝеҹәси дүнја ләззәтләриндән ҝөз јуммалы вә бу ҝеҹә елә әмәл етмәлидир ки, санки өмрүнүн сон ҝеҹәсидир, бу ҝеҹә дүнја илә видалашыр, бу ҝеҹәнин сәһәри Гијамәт баш верәҹәк. Бу үздән салик бу ҝеҹәнин битмәмәсини севсин.
2. Нимеји-шәбанын ән мүһүм әмәлләриндән бири дә бу ҝеҹәјә аид төвсијә едилмиш намазлары гылмагдыр. Хүсусилә дә мин “Гул һувәллаһ”ла гыланан јүз рәкәтли намаз. Бу намазын фәзиләти сонра дејиләҹәк намазлардан үстүндүр.
3. “Игбал” китабында нәгл олунан рәвајәтдә дејилир: Пејғәмбәр (с) бујурду: “Шәбан ајынын орта ҝеҹәси иди. Мән јатмышдым. Ҹәбраил назил олуб деди: Еј Муһәммәд! Белә бир ҝеҹәдә јатмысан? Дедим: Еј Ҹәбраил! Бу ҝеҹә һансы ҝеҹәдир? Деди: Еј Муһәммәд! Бу ҝеҹә шәбан ајынын орта ҝеҹәсидир. Јериндән галх!
Сонра мәни јеримдән галдырыб Бәги гәбиристанлығына тәрәф апарды. Бәгијә чатдыгда деди: Башыны галдыр. Чүнки бу ҝеҹә сәманын бүтүн гапылары: рәһмәт гапысы, разылыг гапысы, мәғфирәт гапысы, бағышланмаг гапысы, фәзл гапысы, төвбә гапысы, бәхшиш гапысы вә јахшылыг гапысы ачыгдыр. Аллаһ һејванларын бәдәниндәки түк вә јун сајы гәдәр инсанлары ҹәһәннәмдән хилас едәр. Бу ҝеҹә инсанларын өлүм вахты мәлум олар, ҝәлән илә гәдәр рузиси бөлүнәр, ил боју баш верәҹәк һадисәләр бу ҝеҹә тәгдир олар.
Еј Муһәммәд! Һәр кәс Нимеји-шәбан ҝеҹәсини ојаг галса, ону тәкбир (Әллаһу әкбәр), тәсбиһ (субһанәллаһ), тәһлил (ла илаһә илләллаһ), дуа, намаз, Гуран гираәти, мүстәһәб намазлар гылмаг вә истиғфар етмәклә баша вурса, ҹәннәт онун јери олар, кечмиш вә ҝәләҹәк ҝүнаһлары бағышланар.
Еј Муһәммәд! Һәр кәс шәбан ајынын орта ҝеҹәси 100 рәкәт намаз гылса вә онун һәр рәкәтиндән “Һәмд”дән сонра 10 дәфә “Гул һувәллаһу әһәд” сурәсини вә намаздан сонра 10 дәфә “Ајәтул-курсу”, 10 дәфә “Һәмд” сурәсини охуса вә 100 дәфә “субһанәллаһ” десә, Аллаһ онун ҹәһһәннәмә дүшмәсинә сәбәб олан јүз бөјүк ҝүнаһыны бағышлајар, охудуғу һәр бир сурә, дедији һәр тәсбиһ гаршысында ҹәннәтдә она бир гәср верәр, јүз нәфәр гоһум-әгрәбасы һаггында шәфаәт етмәсини гәбул едәр, һагг јолунун шәһидләринин савабында ону шәрик едәр, бу ајын оруҹ тутанларынын вә бу ҝеҹәнин ибадәт едәнләринин вердији саваб гәдәр она саваб верәр.
Бәс еј Мәһәммәд! Бу ҝеҹәни ојаг гал вә еһја сахла, өз үммәтинә тапшыр ки, бу ҝеҹәни ојаг галсынлар, ону ибадәт етмәклә баша вурсунлар, ибадәт етмәклә өзләрини Аллаһа јахын етсинләр. Чүнки шәбан ајынын орта ҝеҹәси шәрәфли ҝеҹәдир.
Еј Муһәммәд! Мән сәнин јанында ҝәләндә ҝөјүн мәләкләри өз ајагларыны ҹүтләјиб намаз, тәсбиһ, рүку, сәҹдә вә зикрә мәшғул идиләр.
Еј Мәһәммәд! Шәбан ајынын орта ҝеҹәси елә бир ҝеҹәдир ки, Мүтәал Аллаһ һәмин ҝеҹә дуа едәнләрин бүтүн дуаларыны гәбул едәр. Һәр ким бу ҝеҹә Аллаһдан бир шеј истәсә, Аллаһ онун истәкләрини верәр. Һәр ким бу ҝеҹә Аллаһдан бағышланмаг истәсә вә истиғфар етсә, Аллаһ ону бағышлајар. Һәр кәс бу ҝеҹә төвбә илә Аллаһын дәрҝаһына ҝәлсә, Аллаһ онун төвбәсини гәбул едәр.
Еј Мәһәммәд! Һәр ким шәбан ајынын орта ҝеҹәсинин хејир-бәрәкәтиндән мәһрум олса, бөјүк хејирдән мәһрум олмушдур.”
6. Аллаһын рәсулу (с) шәбан ајынын орта ҝеҹәси бу дуаны охујарды:

«اَللَّهُمَّ اقْسِمْ لَنا مِنْ خَشْيَتِكَ ما يَحُولُ بَيْنَنا وَبَيْنَ مَعْصِيَتِكَ، وَمِنْ طاعَتِكَ ما تُبَلِّغُنا بِهِ رِضْوانَكَ وَمِنَ الْيَقينِ ما يَهُونُ عَلَيْنا بِهِ مُصيباتُ الدُّنْيا، اَللّهُمَّ اَمْتِعْنا بِاَسْماعِنا وَاَبْصارِنا وَقُوَّتِنا ما اَحْيَيْتَنا، وَاجْعَلْهُ الْوارِثَ مِنَّا، وَاجْعَلْ ثارَنا عَلى‏ مَنْ‏ظَلَمَنا، وَانْصُرنا عَلى‏ مَنْ عادانا، وَلا تَجْعَلْ مُصيبَتَنا فى‏ دينِنا وَلا تَجْعَلِ الدُّنْيا اَكْبَرَ هَمِّنا، وَلا مَبْلَغَ عِلْمِنا، وَلا تُسَلِّطْ عَلَيْنا مَنْ لا يَرْحَمُنا، بِرَحْمَتِكَ يا اَرْحَمَ الرَّاحِمينَ.»

Охунушу

Әллаһуммәгсим ләна мин хәшјәтикә ма јәһулу бәјнәна вә бәјнә мәсијәтик, вә мин таәтикә ма тубәллиғуна биһи ризванәк, вә минәл јәгини ма јәһуну әләјна биһи мусибәтуд-дунја. Әллаһуммә әмтина биәсмаина вә әбсарина вә гуввәтина ма әһјәјтәна, вәҹәлһул варисә минна, вәҹәл сарәна әла мән зәләмәна, вәнсурна әла мән адана, вә ла тәҹәл мусибәтәна фи динина, вә ла тәҹәлид-дунја әкбәрә һәммина, вә ла мәбләғә илмина, вә ла тусәллит әләјна мән ла јәрһәмна, бирәһмәтикә ја әрһәмәр-раһимин. 

Бу рәвајәтин рависи диҝәр бир һәдисдә дејир: Пејғәмбәрин (с) сәһабәләриндән 30 нәфәри мәнә деди ки, Пејғәмбәр (с) бујурду: “Һәр ким шәбан ајынын орта ҝеҹәси бу намазы гылса, Аллаһ јетмиш рәһмәт нәзәри илә она бахар вә һәр бахышда онун ән кичији бағышланмаг олан истәкләрини јеринә јетирәр. Бу намазы гылан шәхс бәдбәхт адам олса вә Аллаһдан сәадәт вә хошбәхтлик истәсә, Аллаһ ән јахшы сәадәт вә хошбәхтлији она нәсир едәр. “Аллаһ (һәмин китабдан) истәдији шеји мәһв едәр, истәдијини дә сабит сахлајар. Китабын әсли (лөвһи-мәһфуз) Онун јанындадыр.” О шәхсин ата вә анасы ҹәһәннәм әһлиндән олса, Аллаһ онлары ҹәһәннәмдән чыхарар –бу шәртлә ки, Аллаһа шәрик гошмамыш олсунлар. Һәр ким бу намазы гылса, Аллаһ онун бүтүн һаҹәтләрини јеринә јетирәр, ҹәннәтдә она һеч бир ҝөзүн ҝөрмәдији, һеч бир гулағын ешитмәдији немәтләр һазырлајар.

Анд олсун мәни һагг олараг пејғәмбәрлијә мәбус едән кәсә, һәр ким бу намазы гылса вә бу намазы гылмагда нијјәти Мүтәал Аллаһа јахынлашмаг олса, Аллаһ һәмин ҝеҹәни ибадәтлә мәшғул олан бүтүн кәсләрин савабындан ону да бәһрәләндирәр, әмәлләри јазан мәләкләрә әмр едәр ки, она саваб јазсынлар, ҝүнаһларыны силсинләр, һәтта онун үчүн һеч бир ҝүнаһ галмасын. Ҹәннәтдә өз јерини ҝөрмәјинҹә дүнјадан ҝетмәз, Аллаһ мәләкләрини онунла ҝөрүшмәк вә она салам вермәк үчүн ҝөндәрәр. Гијамәт ҝүнү севимли јахшы инсанларла мәһшәрә ҝәләр. Бир ил баша чатмаздан габаг вәфат етсә, шәһид кими дүнјадан ҝедәр, јетмиш мин мүвәһһиди шәфаәт етмәк она иҹазә вериләр.
Бәдбәхт адамдан башга һеч ким шәбанын орта ҝеҹәсинин сәһәрә гәдәр ојаг галыб ибадәт етмәјә сүстлүк ҝөстәрмир.” 

Сејид Јәһја ибн Һүсејн “Әмали” китабында мөвламыз һәзрәт Әмирәлмөминин Имам Әлидән (ә) рәвајәт етмишдир ки, о һәзрәт бујурду: “Аллаһын рәсулу бујурду: Һәр ким шәбан ајынын орта ҝеҹәсини 1000 “Гул һувәллаһ” сурәси илә 100 рәкәт намаз гылса, гәлбләрин өлдүјү ҝүн онун гәлби өлмәз, јүз мәләкин ону Аллаһын әзабындан пәнаһ вердијини ҝөрмәјинҹә дүнјадан ҝетмәз, отуз мәләк она ҹәннәт мүждәси верәр, отуз мәләк ону шејтанын шәриндән горујар, отуз мәләк ҝеҹә-ҝүндүз онун үчүн бағышланмаг истәјәр вә истиғфар едәр, он мәләк дә онунла дүшмәнчилик едәнлә дүшмәнчилик едәр.”

Түғјанкар нәфслә сөһбәт
Бурада мәним сөзүм беләдир: Еј бичарә! Ҝүнаһлар зәнҹириндә олан нәфсинә рәһм ет! Одун јүкү кими чијниндә дашыдығын бу бөјүк ҝүнаһлар үчүн бир чарә ет! Чүнки бу ҝүнаһлар сәнин бәдбәхтлијин вә һәлакәтинә сәбәб олур. Бир ҝүн ҝәләҹәк ки, гачмаг үчүн јол ахтараҹагсан, лакин јол тапа билмәјәҹәксән вә сорушаҹагсан: гачмаг үчүн јол һарададыр? Хејир, о ҝүн һеч бир сығынаҹаг вә гачыш јолу јохдур, сығынаҹаг вә чыхыш јолу јалныз Аллаһын дәрҝаһыдыр. О, инсаны бүтүн габагкы вә сонракы әмәлләриндән хәбәрдар едир:

يَقُولُ الْإِنْسَانُ يَوْمَئِذٍ أَيْنَ الْمَفَرُّ كَلَّا لَا وَزَرَ إِلَىٰ رَبِّكَ يَوْمَئِذٍ الْمُسْتَقَرُّ يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ

“Мәһз о ҝүн инсан: “Гачыб ҹан гуртармаға јер һарададыр?” – дејәҹәкдир. Хејр, (о ҝүн) һеч бир сығынаҹаг олмајаҹагдыр! О ҝүн дураҹаг (пәнаһ апарылаҹаг) јер анҹаг Рәббинин һүзурудур! О ҝүн инсана өнҹә етдији вә сонраја гојдуғу нә варса хәбәр вериләҹәкдир!” 

Инсафла өз нәфсини мүһакимә ет вә соруш: Аллаһын вәдәләринә, Гијамәт ҝүнүнә, әмәлләрә ҝөрә ҹәза вә саваб верилмәсинә иман ҝәтирмисән ја јох? Аллаһ пејғәмбәрләринин горхудан јахаларыны параладығы, Аллаһ өвлијаларынын горхудан сүмүкләринин титрәдији, тәгвалыларын јадына дүшдүкдә пәришан олдуглары, өзләриндән ҝетдикләри дајанаҹаг вә јохушлардан хәбәрин вар ја јох? Сәнин һансы әминлијин вә сығынаҹағын вардыр? Мәсум пејғәмбәрләрин вә пак мәләкләрин горхдуғу шејләрдән сән амандасанмы? Сән онларын ҝөрмәдији бир шеји ҝөрүрсәнми? Онларын етмәдији һансыса бир јахшы әмәли етмисәнми?! Онлардан олмајан тәгваја саһибсәнми?! Ја Аллаһын мәкриндән амандасан? Һалбуки, бујурур: 

فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ

“Аллаһын мәкриндән (ҹәзаландыраҹағындан) јалныз зијана уғрајанлар өзләрини аманда биләр.”
Öз ишин барәдә дүшүн вә о ҝүндән горх ки:

يَوْمَ يَقُومُ الرُّوحُ وَالْمَلَائِكَةُ صَفًّا لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا

“Руһун (Ҹәбраилин) вә мәләкләрин сәф-сәф дураҹағы ҝүн Рәһманын изин вердији кимсәләрдән башга һеч кәс данышмајаҹаг, данышан да доғруну дејәҹәкдир!”
İнди сән һансы дәстәдәнсән? Аллаһын изин вә иҹазә вердији кәсләрдәнсән? Ја онлара белә хитаб олунан: 

اخْسَئُوا فِيهَا وَلَا تُكَلِّمُونِ

“Орада зәлил (мәјус) вәзијјәтдә дуруб галын вә Мәнә һеч бир шеј демәјин!”

Инди Аллаһын бу кичик әмәлә (Нимеји-шәбан ҝеҹәси гылынан јүз рәкәт намаз) ҝөрә вердији саваб барәдә дүшүн. Мүдрик вә ағыллы инсан бу ишдә тәнбәллик вә сәһләнкарлыг едәрми?
Öз нәфсинә мүраҹиәт едәрәк де: Еј Аллаһын (ҹәллә ҹәлалуһ) вәдләринә иман ҝәтирдијини иддиа едән нәфс, һарадасан? Һарадасан ки, ҝәлиб сәнин хејринә олан бүтүн бу мәнфәәтләри вә дәјәрли бәһрәләри апарасан? Дүнјан ризг-рузиси, вар-дөвләти бу немәтләрин гаршысында бир мис сиккәјә дәјәрми? Сәнә вәд едилмишдир ки, бу ҝеҹә бир тәсбиһин гаршысында сәнә ҹәннәтдә бир гәср бағышласынлар. Сән бу гәсрин гијмәт вә дәјәрини билирсәнми? Түкдән назик мин нөгтәјә бах, ҝөр Аллаһын бәндәисән нәзәринин әндазәси сәнин ағыл тәрәзиндә нә гәдәрдир? Бу онун мигдар вә әндазәсини билән бир кәс вармы?

Инди өзүнә бир нәзәр сал! Дүнја мәсәләләринә нә гәдәр һәрис олдуғуна бах. Ҝөр, ахирәт немәтләри илә мүгајисәдә һеч бир дәјәри олмајан дүнја малыны итирдикдә неҹә һәсрәт чәкирсән? Ҝөр, дәјәрсиз дүнја малыны әлдән вердикдә неҹә аһ чәкирсән, тәәссүфләнирсән?! Сәнин ахирәтә рәғбәтсизлијин вә дүнја һәјатына мејлинин сәбәби гејб аләминә вә Гијамәт ҝүнүнә иманын зәифлијиндән башга бир шејдирми?
Əҝәр беләдирсә, онда вај олсун сәнә! Бил ки, сән Аллаһа, мәләкләрә, сәмави китаблара, илаһи пејғәмбәрләрә вә Гијамәт ҝүнүнә иман ҝәтирмәмисән. Бундан сонра узаг азғынлыгда вә ашкар зијанда олаҹагсан. Өзүнү Аллаһын имансыз кафирләрә вәд етдији ҹәһәннәм одуна һазырла. Чүнки азаҹыг зәифлик вә горху илә һәмин зәиф иманыны да итирәҹәксән. Хүсусилә дә өлүм вахты инсанын ағыл вә һисләри гарышыр, иман мөһкәм олмаса, зәиф иманлара әмин олмаг олмаз вә зәиф иманлар өлүм ајағында күфрә чеврилир.
Она ҝөрә дә сағлам олдуғун вахтлар бәла вә чәтинлијә һазыр ол, сағлам олдуғун ҝүн хәстә олаҹағын ҝүнә һазырлаш. Мөһләтин варкән фүрсәти гәнимәт бил, Аллаһын мәләкләри ҹаныны алмаға ҝәләркән онлардан бир саат мөһләт истәдикдә, гәбул етмәјәҹәкләр, бир анлыг мөһләтә дә разы олаҹагсан, лакин буна наил ола билмәјәҹәксән.

Бәс, өзүнә ниҹат вермәк үчүн бу әмәлләри јеринә јетир, бу ҝүҹлү васитәләрдән јапыш, ән мөһкәм әмәлләрә пәнаһ апар вә бу шәрафәтли вахтларда дәниздә гәрг олан кәсләр кими дуа ет, одда јанан адамлар кими Аллаһы чағыр, Аллаһын өвлијалары вә достлары васитәсилә Она тәрәф әлини узат. Аллаһ бағышлајандыр вә Она пәнаһ ҝәтирмиш, өвлијаларыны васитә етмиш чарәсиз бәндәләрини бағышлајыр. Ҝөр, бу ҝеҹә ачылмыш сүфрәләрә һансы гапыдан дахил олмалысан? Бу гапынын ады сәнин гулағына чатыр. Аллаһын Рәһмәт вә разылыг гапысындан дахил олурсан? Ја мәғфирәт вә төвбә гапысындан? Ја фәзл вә јахшылыг гапысындан? Ја немәт вә бәхшиш гапысындан?
Һәр кәс о гапыдан дахил ола билр ки, өзү мүмкүн гәдәр о сифәтдән бәһрәләнмиш олсун.
Рәһмәт гапысындан сәнин бәһрән будур ки, Аллаһын гафил вә хәбәрсиз бәндәләринә рәһм едәсән, онларын гәфләт вә хәбәрсизлик тозуну меһрибанлыг вә мәһәббәтлә јанашы олан нәсиһәтинлә онлардан тәмизләјәсән, онлары гәфләтдән ајылдыб Аллаһын јолуна ҝәтирәсән, ҝүнаһкар шәхсләрә әзаб-әзијјәт ҝөзү илә бахмајасан, үстәлик, рәһмәт ҝөзү илә бахасан, дүнјанын бүтүн ҝүнаһларыны өз ҝүнаһларын кими биләсән, баҹардығын гәдәр онларын ҝүнаһлардан узаг олмасына сәј едәсән ки, ҝүнаһкар бәндәләр Аллаһын гәзәбинә дүчар олмасын, Онун рәһмәтиндән узаг олмасын. Баҹардығын гәдәр еһтијаҹы оланларын еһтијаҹыны јеринә јетирәсән, гоншуларын арасында касыб варса, онун касыблығыны арадан галдырасан. Онларын еһтијаҹларыны арадан галдырмаға гадир дејилсәнсә, онлар үчүн дуа ет вә онларла һәмдәрд олдуғуну билдир.

Разылыг гапысындан сәнин бәһрән будур ки, Аллаһын разылығына разы оласан, бүтүн һалларда Пәрвәрдиҝарын разылығыны истәјәсән. Чүнки бу ики сифәт бир-биринин лазым-мәлзумудур. Чох асанлыгла вә тез ҹамаатдан разы ол, онлара гаршы кобуд вә бәхәхлаг олма.
Мәғфирәт вә бағышланмаг гапысындан сәнин бәһрән будур ки, ҝүнаһкар олдуғун гәдәр истиғфарын бүтүн шәртләринә риајәт етмәклә бағышланмаг диләјәсән. Ҹамаатдан һагларында зүлм етдијин гәдәр үзрхаһлыг едәсән, бир кәс сәндән үзр истәсә, онун үзрүнү гәбул едәсән.
Төвбә гапысындан сәнин бәһрән будур ки, кечмиш вахтларда ҹамаатын вә Рәбинин һаггында мүртәкиб олдуғун ҝүнаһ вә писликләри бир даһа тәкрар етмәјәсән, етдијин бүтүн ҝүнаһ вә писликләрин әвәзини чыхмаға тәлаш едәсән.

Фәзл гапысындан сәнин бәһрән будур ки, ибадәтләриндә тәкҹә ваҹиб әмәлләрлә кифајәтләнмәјәсән, ҹамаатла әдаләт вә бәрабәрлик әсасында рәфтарындан әлавә, онлара јахшылыг етмәјә сәј едәсән, һәтта чалышасан ки, сәнин онлара хејир вә јахшылығын, онларын сәнә јахшылығындан даһа чох олсун, бири сәни саламладығы заман сәнин ҹавабын онун саламындан даһа јахшы олсун, ја ән азындан онун ејни кими ҹаваб вер.
Јахшылыг гапысындан сәнин бәһрән будур ки, Аллаһа елә пәрәстиш вә ибадәт едәсән ки, санки Ону ҝөрүрсән, чүнки сән ону ҝөрмәсән дә О мүтләг сәни ҝөрүр, сәнин әмәлләрин онун нәзәри алтындадыр вә һәр кәс сәнә пислик етсә, јахшылыг едәсән, сәнин һаггында зүлм етмиш кәси бағышлајасан, сәнинлә әлагәни кәсән адамла әлагә јарадасан.

Бәхшиш гапысындан сәнин бәһрән будур ки, бүтүн варлығыны Аллаһын јолунда фәда едәсән, чүнки Мүтәал Аллаһ буна лајигдир. Ҹамаата фајда вә хејрини артырасан. Әлбәттә, бу ишиндә (Аллаһын разылығындан башга) һеч бир гәрәз вә мәгсәд ҝүдмәјәсән.
Бу гапылар бүтүн ҝеҹәләрдә ачыгдыр, лакин Нимеји-шәбан ҝеҹәси хүсуси шәкилдә ачыгдыр. Инди ҝөр, һансы гапыдан Аллаһын дәрҝаһына дахил олурсан? О гапынын фәзиләт вә дәјәри, сәнин о гапыдан бәһрән мигдарында өз кәрәмини ҝөстәр, бу сифәтләри кәсб етмәк үчүн ибадәтин сурәт вә чәрчивәсиндән артыг тәлаш ет. Чүнки бу сифәтләрә јијәләнмиш бәндәнин бир рәкәт намазынын нуру һәмин сифәтләрә саһиб олмајан бәндәнин гылдығы мин рәкәт намазын нурундан чохдур.
Нүмунә үчүн белә бир мисал ҝәтирәк: Өзү фәзл вә бәхшиш саһиби, немәтләри бүтүн мөвҹудата шамил олан лүтфкар Аллаһ фәзл сифәтинә малик олан кәслә Өз әдаләти әсасында дејил, фәзл вә лүтфү әсасында рәфтар едир. Јәни онун азаҹыг әмәлинә һесаба ҝәлмәјән чохлу саваб верир, онун ҝүнаһлары нечә гат һәсәнәјә вә јахшы ишә чевирир.


2189 بازدید
در حال ارسال اطلاعات...