Јарамаз һакимијјәт бу ҝүнә гәдәр етиразчы инсанлары "анти-милли үнсүр" адландырыр, онларын азлығыны өз ТРОЛЛАРЫ вә ҜӨЗӘҜИРӘНЛӘРИ васитәсилә мәсхәрә објекти едиб ҝүлүб кечирди. Артыг, бүтүн дүнјада мәсхәрә објекти олан, халгы тәрәфиндән ләнәтләнән, сөјүлән, һәр ҹүр тәһгирләрә лајиг ҝөрүлән бу режим халгла һесаблашмаға башлајыб. Артыг Әлијев етираф едир ки, индијә гәдәр ҝопа басдығымыз инкишаф, тәрәгги нағылдан башга бир шеј дејилмиш. Артыг өзләри етираф едир ки, гоҹалар евини хатырладан мәмур ордусујла, өзү дә јарамаз мәмур ордусујла ишләмәк сәрф еләмир.
Садәҹә галыблар нә бәһанә тапсынлар, дејирләр ки, гоҹа мәмурлар јахшы иш ҝөрүб истефа верибләр. Ҝүја онлар јаш һәддинә ҝөрә истефа верибмиш. Һалбуки онлары Илһам сечирди, Илһамын әмри олмадан онларын нә карә идиләр ки, чыхсынлар.
Бу јахын ҝүнләрдә исә демәк олар ки, һакимијјәтин ән бөјүк балыгларындан олан Рамиз Меһдијев истефаја ҝөндәрилди. Башга сөзлә десәк бир јердән ҝөтүрүлүб о бири јерә гојулду. Затән Әлијев һакимијјәтинин јарытмаз сијасәти узун илләрдир шаһмат ојнамагла мәшғулдур. Мәмуру ордан ҝөтүрүб бура гојур. Чүнки дүз-әмәлли кадрлары јохдур. Ҹаванлашма просесинә ҝүја старт верибләр, амма һеч ким онлара инанмыр. Садәҹә митингләрдән диггәти јајындырмаг истәјирләр, бир дә демәк истәјирләр ки, еј халг, сизи индијәдәк инҹидән мәмурлары јола салырыг, ҝедирләр. Әслиндә исә бәһанәдир. Чүнки онлар горхур вә горхдугларыны дилә ҝәтирмәјә дә горхурлар. Јохса мәмур иш баҹаран мәмурдурса онун јашынын нә фәрги вар ки. Јарамаз Әлијев һакимијјәти һәр јарамазлығына бир дон ҝејиндирмәји баҹарыр. Бу елә јарамаз һакимијјәтдир ки, 2003-ҹү илдә ата Әлијевин үчүнҹү дәфә намизәдлик вермәсинә, симасыз гулдурлар партијасы олан ЈАП-дан, јәни бир партијадан ики нәфәрин (ата-бала Әлијев) намизәдлијини ирәли сүрмәсинә бир бәһанә тапа билдикләри һалда јаш мәсәләсинә дә бәһанә тапыб рамизләри, һаҹыбалалары јериндә сахлаја биләрдиләр.Â
Амма артыг мүмкүн дејил.
Рамиз Меһдијевин сијасәтдән заһирән кәнарлашдырылыб АМЕА-ја ҝөндәрилмәси дә ҝөздән пәрдә асмагдыр. Амма халгын етиразларынын бир фајдасынын олдуғуну ҝөрмүш олуруг. Чүнки индијәдәк, “Илһам һеч кимдир, өлкәни Рамиз фырладыр”, “Рамизин иҹазәси олмадан парламентә һеч ким сечилмир” дејирдиләр вә Рамизи бу ҹүр сөзләр шиширдирди. Инди исә халгын гәзәбиндән горхуб ҝери чәкилирләр. Әҝәр Рамиз кими бир бөјүк балыг гәзәбли халгын гурбанына чеврилирсә вә буну етиразчыларын аз, мүхалифәтин ҝүҹсүз олдуғуну дедикләри бир вахтда ҝөрүрүксә демәли етиразлара давам етмәк лазымдыр. Халг әл чәкмәмәлидир. Бу өлкәдә ән тәһлүкә, рүшвәтхор, һарамхор, јаланчы, сахтакар, халгын ганына сусајан инсан Илһам Әлијевдир. Онун рәдд олуб ҝедәҹәји ҝүнә гәдәр халг етиразлара давам етмәлидир.
