Һазыркы мәһәррәмлик мәҹлисләринин бөјүк әксәријјәтиндә минбәр хүтбәләрини, розәләри, мәрсијәләри ешидәндә адам елә билир ки, мүсибәтинә ағладығымыз Имам Һүсејнлә (ә)Â Кәрбәлада шәһид олан Имам Һүсејн (ә) башга-башга инсанлардыр. Тәбии ки, мәсум Имамлардан (ә)Â нәгл олунан рәвајәтләрдә ағламағын савабы өлчүјә ҝәлмәз. Ислам Пејғәмбәридән (с)Â нәгл олунан “Һүсејнә ағлајан ҝөзләр гијамәт ҝүнү ағламаз” һәдиси һәр шеји ифадә етмәкдәдир. Амма Имам Һүсејн (ә) үчүн төкүлән ҝөз јашларында зилләт олмамалыдыр. Ја ағ ҝүнә чыхдығын үчүн севинҹ ҝөз јашларына гәрг олмалысан, ја да гәм-гүссәдән төкүлән ҝөз јашлары сәндә зүлмә гаршы дәјанәт, мәтанәт, дөзүмлүлүк јаратмалы, сүкутуну позмалыдыр. Белә олмадығы һалда бу ҹүр ҝөз јашлары дүшмәни ҝүҹлү, сәни зәиф ҝөстәрәҹкдир.
Имам Һүсејн (ә) заманында вә Кәрбәлада Имам Һүсејндән (ә)Â башга инсанлар да о һәзрәтлә бирҝә шәһид олдулар. Биз ағлајанда һәм дә онлар үчүн ағлајырыг. Онлар исә о ҹүр диктатура мүһитиндә, чәтин шәраитдә, зүлмүн түғјан етдији бир дөврдә гәлб, дил вә әмәллә ҹиһад етдиләр. Бизим зәманәмиздә, хүсусән дә өлкәмиздә һәр нә гәдәр чәтин шәраит, диктатура мүһити олса да, зүлм һәр нә гәдәр түғјан етсә дә диҝәр тәрәфдән залым һакимијјәт һәтта һәбс етдији виҹдан мәһбусуну хариҹи өлкәләрин, һүгуг тәшкилатларынын горхусундан мәҹбур галыб азад едир. Бундан әлавә өлкәдә елә бир шәраит јарадыблар ки, бүтүн депутатлары, мәмурлары, назирләри ләнәтләмәк олар, һеч ким буна бир сөз демир, ганунла да тәнгид етмәк һәр бир вәтәндашын сәлаһијјәти чәрчивәсиндәдир. Јетәр ки, президент һаггында тәнгидләр етмәјәсән. Ҝеридә галан һәр бир кәси тәнгид едә биләрсән. Амма бизим мәһәррәмлик мәҹлисләриндә, хүтбәләрдә адиҹә бир депутат белә тәнгид едилмир. Дин дә беләҹә мәһдудлашдырылыр. Һәтта дүнјәви адамлар елә дүшүнүр ки, дин һәгигәтән дә мәсҹиддә анҹаг намаз гылмаг, Имам Һүсејндән (ә)Â данышмагдан ибадәтдир. Биз һәр заман дөвләт рәһбәрләрини, дүнјәви сијасәтчиләри гынајыб дејирик ки, дин һәјатын бүтүн сәһнәләрини әһатә едир, һәтта бир дөвләти идарә етмәк үчүн дә диндә гајдалар мөвҹуддур. Бу да динин һәр замана, һәр мәкана аид олан камил бир ганунлар топлусу олмасындан ирәли ҝәлир. Заһирән белә дејирик, амма әмәли олараг адиҹә бир мәмурун зүлмүнү белә дилә ҝәтирмәјәндә ҹамаат ҝөрүр ки, дин һеч дә диндарын данышдығы кими дејил.
Кичик бир нүмунә демәк истәрдим. Мәсәлән, диндә һарам едилән чиркин әмәлләрдән бири гејбәтдир. Амма гејбәтин истисна һаллары барәдә алимләр јазыр ки, залымын зүлмүнү демәк гејбәт дејил. Нијә? Чүнки залымын зүлмү јајылмалыдыр ки, мәзлум (халг) хәбәрдар олсун. Амма бизим өлкәмиздә залымларын зүлмү јајылмыр, мәзлумлар хәбәрдар едилмир. Мәһәррәм мәҹлисләримиз исә Имам Һүсејнин (ә)Â Кәбәдә залым Језидин (л)Â зүлмләрини халга чатдырмасыјла башлајыр. Чүнки Ашура да беләҹә вүҹуда ҝәлмишди.
Нәһајәт, Кәрбәла мәҹлисләриндән бәзиләри гарын дојдурмаг, хүтбә тәҹрүбәси топламаг үчүн сәмәрәли истифадә едир. Кимиси пул, кимиси һөрмәт газаныр. Имам Һүсејн (ә) исә ҹаныны фәда етмишди. Сонда бир даһа гејд едәк ки, һеч кимдән чыхыб әлинә бычаг ҝөтүрүб кимисә бычагламаг, өлдүрмәк истәнилмир. Һеч олмаса диллә дә олса, кичик мәмуру да олса тәнгид етмәк оларды. Һамыја ҝөзәл бәллидир ки, Шимр Вәлијевин Ҝәнҹәдәки зүлмләрини минбәр әһли вахтында десәјди Јунис Сәфәров әлинә тапанҹа ҝөтүрүб ону ганына гәлтан етмәзди. О һадисә баш верәндән сонра бәзи “Илаһијјатчылар” бу иши писләдиләр, Ҝәнҹәдә полис мәмуру бычаглананда бу иш дә мәһкум едилди. Мәһкум едиб дедиләр ки, бу, дин дејил, бу Имам Һүсејн (ә) мәктәби дејил. Амма һәмин адамлар сусмагла, зүлмләрдән данышмамагла нөвбәти бир Шимрин (л) бычагланмасына зәминә јарадаҹаглар. Буну да әлавә едәк ки, бу сөзләри дејән “илаһијјатчыларын” шәхсән һазыркы мөвгеји дә һеч исламын, Имам Һүсејнин (ә) мөвгеји дејил. Сус, данышма ки, мән дини тәблиғ едирәм.
