Шрифт өлчүсү:
А+
А
А-
28 Апрел 2019

Имамәтин әгли вә нәгли дәлилләри

Аллаһ башгаларына вермәдији елм вә һикмәт хәзинәләрини имамлара верди
Ән лајигли фәрдә табе олмағын әгли зәрурәти

قُلْ هَلْ مِنْ شُرَكَائِكُمْ مَنْ يَهْدِي إِلَى الْحَقِّ قُلِ اللَّهُ يَهْدِي لِلْحَقِّ أَفَمَنْ يَهْدِي إِلَى الْحَقِّ أَحَقُّ أَنْ يُتَّبَعَ أَمَّنْ لَا يَهِدِّي إِلَّا أَنْ يُهْدَىٰ فَمَا لَكُمْ كَيْفَ تَحْكُمُونَ

"Де: “(Аллаһа) гошдуғунуз шәрикләр арасында һагга јөнәлдән бир кимсә вармы?” Де: “Јалныз Аллаһ (Өз гулларыны) һагга јөнәлдир. Елә исә (дејин ҝөрәк) һагга јөнәлдән кәс архасынҹа ҝедилмәјә даһа чох лајигдир, јохса өзүнә доғру јол ҝөстәрилмәјинҹә ону тапа билмәјән кәс? Сизә нә олуб? Неҹә мүһакимә едирсиниз?”"(Јунус, 35).

Изаһ: Јухарыдакы ајәнин мөвзусу бир нөв Аллаһын јеҝанәлијини әсасландырмагдыр. Аллаһ бу ајәдә мүшрикләрдән сорушур ки, Аллаһ кими өзү һидајәт јолуну тапмыш, хејир вә зијанлары билән биринә табе олмаг ағла ујғун вә лајиглидир, јохса өзүндән белә хәбәри олмајан, бәндәләри өз хејирләринә јөнәлдә билмәјән бүтләрә? Шиә алимләри имамларын (әсасландырма) јолуну тутараг, јухарыдакы ајәнин әсасландырмасындан имамәтин сүбуту үчүн дә истифадә етмишләр. Белә ки, Пејғәмбәрдән (с) сонра бәндәләри һидајәт етмәк вә доғру јола јөнәлтмәк үчүн илаһи елмә малик вә бәндәләри камиллик вә инкишаф мәнзилинә чатдыра билән мәсум имамлардан (ә) даһа јахшы ким вар?

Һәдис: Имам Рза (ә): Аллаһ башгаларына вермәдији елм вә һикмәт хәзинәләрини имамлара верди. Имамлар дөнәмләринин ән үстүн вә ән билиҹи инсанлары идиләр. Аллаһ бујурур: “Елә исә (дејин ҝөрәк) һагга јөнәлдән кәс архасынҹа ҝедилмәјә даһа чох лајигдир, ...” (Кафи, ҹ. 1, сәһ. 202, һәдис: 1).


3028 بازدید
در حال ارسال اطلاعات...