وَعَلَى الثَّلَاثَةِ الَّذِينَ خُلِّفُوا حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ
"Ҝери галмыш үч нәфәри дә (бағышлады). Һәтта јер үзү өз ҝенишлијинә бахмајараг онлара дар ҝәлмиш, үрәкләри (кәдәрдән) сыхылмыш вә јәгин билмишдиләр ки, Аллаһдан (Онун әзабындан), анҹаг Онун Өзүнә сығынмагдан башга чарәләри јохдур. Сонра (Аллаһ) пешман олсунлар дејә онларын төвбәсини гәбул етди. Һәгигәтән, Аллаһ төвбәләри гәбул едәндир, Рәһимлидир." (Төвбә, 118).
Изаһ: Төвбәнин үч мәрһәләси вардыр: 1. Аллаһ тәрәфиндән төвбә имканы верилмәси; Биринҹи мәрһәләдә Аллаһ бәндәләринин бәзи ләјагәтләрини мүшаһидә едәрәк онлары төвбәјә вә Өзүнә тәрәф гајытмаға һазырлајыр. “تَابَ عَلَيْهِمْ” ибарәси бу мәнаја ишарә едир. 2. Бәндәнин төвбәси; Бу мәрһәлә ҝүнаһы тәрк етмәјә вә кечмиши дүзәлтмәјә ҹидди гәрар вермәк мәрһәләсидир. Бу мәрһәләдә “تاب” (табә) феили “إلی” (илә) өнгошмасы илә тәсирли феилә чеврилмишдир. 3. Аллаһ тәрәфиндән төвбәнин гәбул олунмасы. Демәк, бәндәнин төвбәси һәр заман Аллаһын ики төвбәсинин арасындадыр.
Һәдис: Ислам пејғәмбәри (с):
“Аллаһын бәндәсинин төвбәсинә севинмәси сонсузун дүнјаја ушаг ҝәтирмә севинҹиндән, бир шеј итирәнин итијини тапма севинҹиндән вә сусузун су тапма севинҹиндән даһа чохдур.” (Кәнзүл-үммал, ҹ. 4, сәһ. 205, һәдис: 10165).
