Шрифт өлчүсү:
А+
А
А-
27 Март 2019

Бүтүн пејғәмбәрләр (ә) өз дөврләринин тағутуна гаршы мүбаризәјә галхыб

“Аллаһа ибадәт един, Тағутдан чәкинин!”
Тағутла мүбаризә

وَلَقَدْ بَعَثْنَا فِي كُلِّ أُمَّةٍ رَسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ ...

"Биз һәр үммәтә: “Аллаһа ибадәт един, Тағутдан чәкинин!” – дејән пејғәмбәр ҝөндәрдик." (Нәһл, 36).

Изаһ: Дин мәнтигинә ҝөрә, һакимијјәт вә сәлтәнәт Аллаһа мәхсусдур. Дүнјада мөвҹуд олан мүхтәлиф нөв сијаси системләрин арасындан јалныз Аллаһын халга һөкмранлығы гәбул олуна биләр. Һакимијјәтин бу нөвү өзүнү пејғәмбәрләрин (ә), имамларын (ә) вә онларын һәгиги ҹанишинләринин рәһбәрлији алтында ҝөстәрир. Одур ки, пејғәмбәрләрин (ә) ҝөндәрилмәсинин елми вә тәрбијәви мәгсәдләри илә јанашы сијаси һәдәфләрини дә нәзәрә алмаг лазымдыр. Гуран нәинки сијасәти диндән ајры һесаб етмир, әксинә пејғәмбәрләрә (ә) сијаси мәсәләләрә мүдахилә етмәји, һөкумәт гурмағы вә бәндәләрә һәртәрәфли рәһбәрлик етмәји әмр едир. Буна сәбәб одур ки, Исламын бир чох иҹтимаи вә һүгуги һөкмләринин иҹрасы дини рәһбәрләрин сијаси игтидара малик олмасындан асылыдыр. Буна ҝөрә дә бүтүн пејғәмбәрләр (ә) өз дөврләринин тағутуна гаршы мүбаризәјә галхмыш, бәзән дә бу јолда шәһид олмушлар.

Һәдис: Имам Әли (ә): “Аллаһ-Таала һәзрәт Мәһәммәди пејғәмбәр олараг ҝөндәрди ки, бәндәләрини диҝәр бәндәләрә (тағут һакимләрә) пәрәстиш вә итаәтдән чәкиндирсин вә Она ибадәтә јөнләндирсин.” (Кафи, ҹ. 8, сәһ. 386, һәдис: 586).


4164 بازدید
در حال ارسال اطلاعات...