Шрифт өлчүсү:
А+
А
А-
19 Март 2019

Әл-Мурагибат китабындан бир јарпаг-Рәҹәб ајында “Ја мән әрҹуһ” дуасынын шәрһи (10)

“Ја зәл-ҹәлали вәл икрам. Ја зән-нәәмаи вәл-ҹуд. Ја зәл-мәнни вәт-тәвл. Һәррим шәјбәти әлән-нар.”
Рәҹәб ајынын ҝүндәлик дуаларындан бири дә фәзиләтли “Ја мән әрҹуһ” дуасыдыр. Бу дуаны сәһәр-ахшам вә һәр намаздан сонра охумаг төвсијә олунуб. Дуа беләдир:

يا مَنْ أَرْجُوهُ لِكُلِّ خَيْرٍ، وَ آمَنُ سَخَطَهُ عِنْدَ كُلِّ شَرٍّ، يا مَنْ يُعْطِي الْكَثِيرَ بِالْقَلِيلِ، يا مَنْ يُعْطِي مَنْ سَأَلَهُ، يا مَنْ يُعْطِي مَنْ لَمْ يَسْأَلْهُ وَ مَنْ لَمْ يَعْرِفْهُ تَحَنُّناً مِنْهُ وَ رَحْمَةً، أَعْطِنِي بِمَسْأَلَتِي إِيَّاكَ جَمِيعَ خَيْرِ الدُّنْيا وَ جَمِيعَ خَيْرِ الٰاخِرَةِ، وَ اصْرِفْ عَنِّي بِمَسْأَلَتِي إِيَّاكَ جَمِيعَ شَرِّ الدُّنْيا وَ شَرِّ الٰاخِرَةِ، فَإِنَّهُ غَيْرُ مَنْقُوصٍ ما أَعْطَيْتَ، وَ زِدْنِي مِنْ فَضْلِكَ يا كَرِيمُ.

Сонра сол әли илә өз саггалыны тутсун вә сағ әлинин ишарә бармағыны саға-сола һәрәкәт етдирсин вә ағлајараг десин:

يا ذَا الْجَلٰالِ وَ الإِكْرامِ يا ذَا النَّعْماءِ وَ الْجُودِ، يا ذَا الْمَنِّ وَ الطَّوْلِ، حَرِّمْ شَيْبَتِي عَلَى النّارِ

“Ја мән әрҹуһу ликулли хәјрин вә амәну сәхәтәһу индә кулли шәрр. Ја мән јутил-кәсирә бил-гәлил. Ја мән јути мән сәәләһ. Ја мән јути мән ләм јәсәлһу вә мән ләм јәрифһу тәһәннунән минһу вә рәһмәһ. Әтини бимәсәләти ијјакә ҹәмиә хәјрид-дүнја вә ҹәмиә хәјрил ахирәти, вәсриф әнни бимәсәләти ијјакә ҹәмиә шәррид-дүнја вә шәррил ахирәти, фәиннәһу ғәјру мәнгусин ма әәтәјтә вә зидни мин фәзликә ја кәрим.”
Сонра сол әли илә өз саггалыны тутсун вә сағ әлинин ишарә бармағыны саға-сола һәрәкәт етдирсин вә ағлајараг десин:

“Ја зәл-ҹәлали вәл икрам. Ја зән-нәәмаи вәл-ҹуд. Ја зәл-мәнни вәт-тәвл. Һәррим шәјбәти әлән-нар.”

Тәрҹүмәси

Еј бүтүн хејир ишләрдә үмид бәсләдијим, бүтүн шәр ишләрдә гәзәбиндән аманда галдығым! Еј аз (әмәл) мүгабилиндә чох (саваб) әта едән! Еј тәләб едәнләрә (истәкләрини) верән вә тәләб етмәјән вә Сәни танымајанлара белә Өз рәһмәтинә вә меһрибанлығына ҝөрә әта едән! Бүтүн дүнја хејирләрини вә бүтүн ахирәт хејирләрини Сәндән истәјирәм, әта ет! Бүтүн дүнја шәрләрини вә ахирәт шәрләрини мәндән узаглашдыр! Сән нә гәдәр әта етсән дә (фәзл вә кәрамәтин) азалмаз! Еј кәрамәти бол олан Аллаһ! Өз фәзлинә хатир (немәтләрини) мәним үчүн артыр.
Еј ҹаһ-ҹәлал, кәрамәт, немәтләр, сәхавәт, миннәт вә ҝүҹ-гүввәт саһиби! Саггалымы (ҹәһәннәм) атәшинә һарам ет (мәни ҹәһәннәм атәшиндән гору).

Бу дуа һаггында бир нечә кәлмә
Бу дуанын әввәлиндә дејирсән:
“Еј бүтүн хејир ишләрдә үмид бәсләдијим, бүтүн шәр ишләрдә гәзәбиндән аманда галдығым!”
Аллаһын гәбәзләриндән бири дә Онун мәкридир. Һалбуки, Онун мәкриндән өзүнү аманда һесаб етмәк бөјүк ҝүнаһлардан сајылыр. Она ҝөрә дә гафил олма вә бу ҹүмләдә сәнин нијјәтин белә олсун: төвбә етмәк шәрти илә хејрә үмид едирәм вә Аллаһын гәзәбиндән өзүмү аманда билирәм. Санки белә дејирсән: Еј о кәс ки, өз бәндәләри үчүн бир јол гәрар вермишдир ки, о јол илә ҝетсәләр Онун гәзәбиндән аманда галарлар вә о јол төвбәдир.
Дуанын бу һиссәси һал-һазырда Аллаһын мәкриндән аманда галмаг мәнасына дејилдир.
Һабелә, дуада дејирсән:
“Еј бүтүн хејир ишләрдә үмид бәсләдијим”
Бу ҹүмләни дедикдә санки белә дејирсән: “Еј о кәс ки, өз бәндәләри үчүн бир јол гәрар вермишдир ки, әҝәр о јол илә ҝетсәләр истәдикләри һәр шејә чатарлар вә о јол, дуадыр.”
“Бүтүн дүнја хејирләрини вә бүтүн ахирәт хејирләрини Сәндән истәјирәм, әта ет!” ҹүмләсиндә “ҹәми” (бүтүн) сөзүнүн тәкрар олмасы;
“Бүтүн дүнја шәрләрини вә ахирәт шәрләрини мәндән узаглашдыр!” ҹүмләсиндә исә “ҹәми” (бүтүн) сөзүнүн тәкрар олмамасы барәдә дүшүнсән, ола билсин, ибарәтин фәрглилијиндән бу нәтиҹәјә ҝәләрсән ки, “шәр” јохлуг характери дашыјан бир мәсәләдир вә о да Аллаһын рәһмәтиндән узаг олмаг, илаһи мәғфирәтдән мәһрум олмагдыр. Амма “хејир” вүҹуди (варлыг характерли) бир мәсәләдир вә онун нөвләри сајсыз-һесабсыздыр.
“Бүтүн дүнја шәрләри” ҹүмләсиндә “ҹәми” (бүтүн) сөзүнүн ҝәлмәси исә ола билсин она ҝөрәдир ки, дүнја шәрләри бүтүн инсанлар үчүн мәлум дејилдир. Ахирәт шәрләри исә һамыја ајдындыр.


4412 بازدید
در حال ارسال اطلاعات...