فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ
"Әҝәр (һагдан) үз чевирсәниз, ола билсин ки, јер үзүндә фитнә-фәсад төрәдәсиниз вә гоһумлуг әлагәләрини кәсәсиниз." (Мәһәммәд, 22).
Изаһ: Гоһумларла әлагәни кәсмәк ән бөјүк ҝүнаһлардандыр. Белә ки, Аллаһ-Таала “Рәд” сурәсинин 25-ҹи ајәсиндә ону едәнләри ләнәтләмишдир. Јухарыдакы ајәдә дә ону Аллаһдан үз дөндәрмәјин ән мүһүм нишанәләриндән бири һесаб етмишдир. Өмрүн азалмасы, Аллаһ мәрһәмәтиндән узаг олмаг, үммәтләрин тез мәһв олмасы, нәслин кәсилмәси, гытлыг, гураглыг, јохсуллуг, јалгызлыг, гәм-гүссә гоһумларла әлагәни кәсмәјин рәвајәтләрдә ишарә олунан нәтиҹәләридир. Буна ҝөрә дә һәдисләрдә дејилир ки, һеч бир шеј, һәтта гоһумларын кафир вә фасиг олмасы, һәтта онларын әлагәни кәсмәси белә гоһумларла әлагәни кәсмәјә сәбәб олмамалыдыр. Гејд едәк ки, бурада гоһумлар дедикдә нә гәдәр узаг олса да ган гоһумлары нәзәрдә тутулур.
Һәдис: İмам Багир (ә):
“Гоһумларла хош мүнасибәтдә олмаг әмәлләри тәмизләјир, сәрвәти чохалдыр, бәланы дәф едир, һагг-һесабы асанлашдырыр вә өлүмү тәхирә салыр.” (Кафи, ҹ. 2, сәһ. 150, һәдис: 4).
