Һәгигәтән ҹиһад Аллаһын хүсуси өвлијалары үчүн ачдығы Ҹәннәт гапыларындан биридир
Ҹиһад
وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلَا تَعْتَدُوا إِنَّ اللَّهَ لَا يُحِبُّ الْمُعْتَدِينَ
"Сизинлә вурушанлара гаршы Аллаһ јолунда сиз дә вурушун вә һәдди ашмајын! Һәгигәтән, Аллаһ һәдди ашанлары севмир." (Бәгәрә, 190).
Изаһ: Ҹиһад бүтүн динләрдә бөјүк фәрздир. Һеч бир дини онсуз тәсәввүр етмәк олмаз. Ҹиһадын әсас һикмәти дин сәрһәдләрини ҝенишләтмәк, дүшмәнләрә гаршы иззәт, игтидар вә ону мүдафиәјә наил олмагдыр. Ҹиһадын ваҹиб олмасында дүшүндүрүҹү мәсәлә будур ки, Ислам дүшмәнләринин тәблиғатынын әксинә олараг, Исламын дәвәти мүһарибә вә гошун чәкмәјә јох, сүлһ вә тәһлүкәсизлик јаратмаға вә мүсәлманларын зәнҝин мәдәнијјәтинә әсасланырды. Буна ҝөрә дә Ислам ҹиһады мәһз дүшмәнләрин мәнтиг вә инсанијјәтиндән мәјус олдугда ваҹиб етмишдир. Јухарыдакы ајәдә дејилир: “Сизинлә вурушанларла Аллаһ јолунда сиз дә вурушун”. Гуранын бир чох ајәләри ҹиһадын әһәмијјәтинә, дүшмәни танымаға, дүшмәнлә мүбаризә апармаға, мүсәлманларын гәләбә вә мәғлубијјәт амилләринә, ҹиһадчыларын фәзиләтинә вә шәһидләрин мәгамына һәср олунмушдур.
Һәдис: Имам Әли (ә):
“Еј ҹамаат! Һәгигәтән ҹиһад Аллаһын хүсуси өвлијалары үчүн ачдығы Ҹәннәт гапыларындан биридир. О (ҹиһад), тәгва либасы, Аллаһын дајаныглы зиреһи вә (Онун) мөһкәм галханыдыр.” (Кафи, ҹ. 5, сәһ. 4, һәдис: 6).
