Шрифт өлчүсү:
А+
А
А-
25 Декабр 2018

Сејид ибн Тавусун өз оғлуна вәсијјәтиндән-Аилә гурмаг бөлмәси

Бил ки, һәјат јолдашын сәнин сојундан өвлад дүнјаја ҝәлмәсинә јардымчы олаҹаг
Оғлум Мәһәммәд! Аллаһ сәнин гәлбини Өз зикри вә нуру илә долдурсун. 

Һәјат јолдашына еһтијаҹын олдугда бил вә дүшүн ки, сәни гафил едән шәһвәт хәјалларындан узаг олмагда о, сәнин көмәкчиндир. Сәнин Аған вә Мөвлан (ҹәллә ҹәлалуһ) онун васитәсилә сәни ҝүнаһ вә ҝүнаһа чәкән ләззәтләрин зәһәриндән сағлам сахламышдыр.
Бил ки, һәјат јолдашын сәнин сојундан өвлад дүнјаја ҝәлмәсинә јардымчы олаҹаг. Аллаһ сизи Она ибадәт, итаәт, хидмәт, тәсбиһ, тәгдис вә тәзим едәҹәк, Онун пејғәмбәри Мәһәммәдин (с) сүннә вә шәриәтини горујаҹаг, инсанлары онун дининә дәвәт едәҹәк өвладлар јаранмасына васитәчи гәрар вермишдир.
Пејғәмбәр (с) о өвладлар васитәсилә башга үммәтләрә фәхр едәҹәк, һәтта (дүнјаја ҝәлмәмиш) сигт олмуш олсалар белә. 

Өвладларын кичик јашларында дүнјадан ҝетсәләр дә сәнин үчүн ахирәт зәхирәси олаҹаглар.
Əҝәр бу никаһда сизин мәгсәдиниз Аллаһын әмрини јеринә јетирмәк, Онун мәһәббәт вә разылығыны газанмаг олса, јашајан өвладларын да ибадәт вә итаәт әһли олсалар, онларын әмәлләриндә сәнин дә пајын олаҹаг вә бу пај сәнин әмәл китабында јазылаҹаг.
Һәјат јолдашынла торпаг тәбиәти вә һејванлыг адәтинә ујғун олараг јахынлыг етмә. Чүнки бу һәрәкәт ән чиркин әмәлләрдән биридир. Бу јахынлыгда сизин нијјәтиниз Аллаһын әмрини јеринә јетирмәк, Пејғәмбәрин (с) буну әмр етмәкдә истәјинә ујғун олмалыдыр.

Әҝәр һејвани шәһвәтин сәнә галиб ҝәлмәсиндән горхсан, һәјат јолдашынла хәлвәтә чәкилмәздән өнҹә, Мүтәал Аллаһдан истә ки, сәнә илаһи инајәтләр етсин. Мән “Фәтһул-әбваб бәјнә зәвил-әлбаби вә бәјнә рәббил-әрбаб” китабында бу барәдә јазмышам.


3668 بازدید
در حال ارسال اطلاعات...