Шрифт өлчүсү:
А+
А
А-
04 Декабр 2018

Руһларын Зәрр аләминдә “бәли” демәси вә Нәһл сурәсинин 78-ҹи ајәси

Аллаһ сизи аналарынызын бәтнләриндән һеч бир шеј билмәдијиниз (дәрк етмәдијиниз) һалда чыхартды.”
Суал: Əҝәр руһлар Зәрр аләминдә елмин камал мәртәбәсиндә “бәли” дејибләрсә, бәс онда “Нәһл” сурәсиндә ҝәлмиш “Аллаһ сизи аналарынызын бәтнләриндән һеч бир шеј билмәдијиниз (дәрк етмәдијиниз) һалда чыхартды” ајәсини неҹә изаһ етмәк олар?

Ҹаваб: Гурани-кәрим ики нөв билҝи бизә таныдыр: 

1. Һүзури елм. Бу елм кәсб јолу илә дејил, инсанын фитрәти јолу олмушдур вә вар.
2. Һүсули елм. Бу елм тәһсил јолу илә әлдә олунур.

Гејд етдијиниз ајә һүсули елмә ишарә едир вә “Нәһл” сурәсиндә бујурур: “Аллаһ сизи аналарынызын бәтнләриндән һеч бир шеј билмәдијиниз (дәрк етмәдијиниз) һалда чыхартды.” (“Нәһл” сурәси, ајә 78)
Һүзури вә фитри елм исә Аллаһын рүбубијјәти вә инсаны өз бәндәлији әсасындадыр вә һәмишә инсанын јанындадыр.
Мүтәал Аллаһ “Нәһл” сурәсиндә “Аллаһ сизи аналарынызын бәтнләриндән һеч бир шеј билмәдијиниз (дәрк етмәдијиниз) һалда чыхартды” бујурур, амма “Рум” сурәсиндә “Батилдән һагга тапынараг (пак бир мүвәһһид, халис тәкаллаһлы кими) үзүнү Аллаһын фитри олараг инсанлара вердији динә (ислама) тәрәф тут”-дејә бујурур. (“Рум” сурәси, ајә 30)

Һабелә, “Шәмс” сурәсиндә “Анд олсун нәфсә вә ону јарадана (она бичим верәнә); Сонра да она ҝүнаһларыны вә пис әмәлләрдән чәкинмәсини өјрәдәнә”- дејә бујурур. (“Шәмс” сурәси, ајә 7-8)
Рум вә Шәмс сурәләриндә сөзү ҝедән шүһуди биликләр јаранышын әввәлиндән инсанла бирҝә олмушдур. Амма һүсули билҝиләри тәһсил васитәсилә әлдә етмәк мүмкүндүр.
маареж.есра.ир


3838 بازدید
در حال ارسال اطلاعات...