Әбәди ҹәза јалныз бүтүн ниҹат гапыларыны өз үзләринә бағлајанлара, фәсада вә азғынлыға гәрг оланлара аиддир.
إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَٰئِكَ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ خَالِدِينَ فِيهَا لَا يُخَفَّفُ عَنْهُمُ الْعَذَابُ وَلَا هُمْ يُنْظَرُونَ
"Кафир олуб кафир кими дә өләнләрә Аллаһын, мәләкләрин вә бүтүн инсанларын ләнәти олсун! Онлар бу ләнәтин ичәрисиндә һәмишәлик галарлар. Онларын әзабы јүнҝүлләшдирилмәјәҹәк вә онлара мөһләт дә верилмәјәҹәкдир."(Бәгәрә, 161-162).
Изаһ: Бәлкә дә Ҹәһәннәм әһлинин ән бөјүк әзабы бу ајәдә өз әксини тапмышдыр. Чүнки онда онларын (Ҹәһәннәмдә) әбәди галмасындан вә һәр нөв илаһи мәрһәмәт вә лүтфдән мәһрум олмасындан сөһбәт ачылмышдыр. Башга сөзлә, бу ајә үмид гапыларыны Ҹәһәннәм әһлинин үзүнә тамамилә гапајыр вә онлары әбәди әзабла баш-баша гојур. Әлбәттә, нәзәрә алмаг лазымдыр ки, әбәди ҹәза јалныз бүтүн ниҹат гапыларыны өз үзләринә бағлајанлара, фәсада вә азғынлыға гәрг оланлара аиддир. Бу ағыр илаһи әзабын әбәди олмасы Аллаһын меһрибанлығы вә рәһмәти илә бир јерә сыға биләр. Чүнки кафирләр башгаларынын һүгугларыны тапдајан, Аллаһа асиликдә исрар едән инсанлар идиләр. Әҝәр онлар јүз илләр дә дирилсәләр, бу зүлмләринә давам едәҹәкләр.
Һәдис: İмам Садиг (ә):
“Ҹәһәннәм әһли она ҝөрә одда әбәди галаҹаг ки, онларын дүнјада нијјәти әбәди олараг сағ галсалар да Аллаһа аси олмагдыр. Ҹәннәт әһли исә она ҝөрә Ҹәннәтдә әбәди галаҹаг ки, онларын дүнјада нијјәти әбәди олараг сағ галсалар да Аллаһа ибадәт етмәк иди.” (Кафи, ҹ. 2, сәһ. 85, һәдис: 5).
