Гејд етдијимиз кими Имам Сәҹҹад (әлејһиссәлам) Кәрбәла фаҹиәсиндә иштирак етмиш, атасынын шәһадәтиндән сонра Әһли-бејт әсирләринин башында олмагла ингилабын вә Имам Һүсејн әлејһиссәламын гызылганлы шәһадәтинин ҹарчысы олмуш, өз сөһбәт вә чыхышлары илә Әмәви һакимијјәтинин чиркин үзүнү танытдырмаг вә ҹамаатын фикрини ојатмагла мәшғул олмушдур.
Əмәви һөкумәтинин Мүавијјәнин дөврүндән етибарән Пејғәмбәр аиләсинин әлејһинә узун-узады тәблиғатларыны (хүсусән Шамда) нәзәрә алмагла шүбһәсиз ки, әҝәр Әһли-бејт әсирләри Әмәви һакимијјәтинин ич үзүнү ачараг ҹамаатын фикрини ојатмасајдылар, Ислам дүшмәнләри вә һөкумәт нүмајәндәләри Имам Һүсејн әлејһиссәламын бөјүк вә һәмишәјашар ингилабыны тарих сәһифәсиндән позар вә онун симасыны дәјишдирәрдиләр. Анҹаг Имам Сәҹҹад әлејһиссәламын вә еләҹә дә, диҝәр әсирләрин әсир олдуглары мүддәтдә апардыглары тәблиғат (гејд етмәлијик ки, бу фүрсәти онлара Језидин ахмаглығы вә шәхси дүшмәнчилији вермишдир) Имам Һүсејн әлејһиссәламын дүшмәнләринә бу фүрсәти вермәди вә Језиди һәр јердә рүсвај етди.
