Куфәлиләр Имам Һүсејни (ә) Куфәјә дәвәт едәрәк үч ҝүн Фәрат чајынын кәнарында сусуз сахладылар
Имам Һүсејнин (ә) мүсибәтиИмам Багир (ә) бујурмушдур: “Һәр кәс Имам Һүсејнин (ә) мүсибәтинә ағлајараг бир зәррә белә ҝөз јашы төксә, Аллаһ онун дәрјалар гәдәр вүсәти вә улдузларын сајы гәдәр ҝүнаһларыны (әҝәр варса) бағышлајар.” (“Түһфәтул-мәҹалис”, сәһ. 215.)
Имам Сәҹҹад (ә) дејир: “Куфәлиләр Әлинин (ә) јанына ҝәлиб јағышын јағмадығындан шикајәтләнәрәк дедиләр ки, дуа ет, Аллаһ бизим үчүн јағыш ҝөндәрсин. Имам Әли (ә) оғлу Һүсејнә (ә) деди: Галх, Аллаһдан јағыш дилә. Имам Һүсејн (ә) ајаға галхараг Аллаһа һәмд-сәна етдикдән вә Пејғәмбәрә (с) салам ҝөндәрдикдән сонра дуа етди. Һәзрәтин дуасы гуртармамыш Аллаһ ҝөјдән лејсан јағыш ҝөн-дәрди. Һәтта чөл әрәбләри Куфә әтрафындан ҝәлиб хәбәр вердиләр ки, дәрәләр вә бијабанлар су илә долмушдур.” (“Имам Һүсејнин (ә) бујуругларынын күллијјаты”, сәһ. 160.)
Амма һәмин куфәлиләр Имам Һүсејни (ә) Куфәјә дәвәт едәрәк үч ҝүн Фәрат чајынын кәнарында сусуз сахладылар, Һәзрәтин сусуз һалда башыны кәсмәкдән әлавә, көрпә Әли Әсҝәрини сусуз шәһид етдиләр, Һәзрәт Әбүлфәзлин бәдәнини Фәратын кәнарында тикә-тикә доғрадылар...