Шрифт өлчүсү:
А+
А
А-
10 Сентјабр 2018

Мәһәррәм меһи

Бу ҝүнләр мәним үчүн дә бөјүк бир фүрсәтдир.
Ашуранын мүбарәк меһи

Аллаһ-Таалаја шүкүр едирик ки, јенидән бәрәкәтли мәһәррәм вә Ашура әрәфәсиндә јашамаг, һәм ҹанымызы, һәм елми, руһи вә физики гүввәләримизи Ашуранын мүбарәк меһиндән вә һәзрәт Әбу Абдуллаһын (ә) лүтф мәнбәјиндән бәһрәләндирмәк сәадәтини бизә нәсиб етди. Иншаллаһ бизим бүтүн халгымыз, о ҹүмләдән бөјүк алимләр, мөһтәрәм руһаниләр вә тәблиғатчылар, хүсусән бу јола јени гәдәм гојмуш һәвәскар вә иманлы ҝәнҹләр бу имканлардан фајдалана вә даһа артыг мәсулијјәт дашыјанлар бу ајдан даһа чох бәһрәләнә билсинләр. Бу ҝүнләр мәним үчүн дә бөјүк бир фүрсәтдир.

Мәһәррәм ајынын әһәмијјәти 

Сиз гардаш вә баҹылар өзүнүз мәһәррәм ајынын әһәмијјәтини јахшы билирсиниз; һәм мәһәррәмин һадисәләри бахымындан, һәм мәһәррәмин тарихдәки - истәр гәдим тарихдәки, истәрсә дә ингилаб тарихиндәки тәсири бахымындан, һәм дә мәһәррәмин һәмишә дин елминин дашыјыҹылары үчүн јаратдығы имкан бахымындан. Мәһәррәм ајы дин алимләринә өз динләјиҹиләрини Аллаһ, Ислам, Пејғәмбәр (с), Әли (ә) вә Һүсејн (ә) һәгигәтләринин бир һиссәси илә таныш етмәк имканы верир. Мүһүм олан бу имкандан неҹә истифадә олунмасыдыр. Чохлу фүрсәтләр инсанын әлиндән әбәс јерә хариҹ олур. Әҝәр биз өз ишимиздә - истәр фүрсәтләрдә, истәр имканларда, истәр Аллаһын бизә вердији немәтләрдә һесаблама апарсаг, шүбһәсиз, гәдирбилмәзлик етдијимиз чохлу јерләрлә растлашаҹағыг; бу немәти, бу фүрсәти, бу имканы, бу билҝини, биздә олан бу нитги вә бу мәсулијјәт һиссини тәләф етдик, онлардан максимум бәһрәләнмәдик. Руһани ҹәмијјәти вә дин алимләри үчүн ән ваҹиб ишләрдән бири будур ки, бу фүрсәтләрдән ән јахшы шәкилдә истифадә етмәк һагда дүшүнсүнләр.

Ајәтуллаһ Сејид Әли Хаменеи


3016 بازدید
در حال ارسال اطلاعات...