قُلْ لِلَّهِ الشَّفَاعَةُ جَمِيعًا لَهُ مُلْكُ السَّمَاوَاتِ وَالْأَرْضِ ثُمَّ إِلَيْهِ تُرْجَعُونَ
"Де: Шәфаәт бүтүнлүклә Аллаһа мәхсусдур. Ҝөјләрин вә јерин һөкмранлығы да Она мәхсусдур. Сонра сиз Она гајтарылаҹагсыныз.” (Зумәр, 44).
Изаһ: Шәфаәт мәсәләси шиә мәзһәбинин данылмаз һәгигәтләриндән вә бир чох әһли-сүннә мәзһәбләри тәрәфиндән мәгбул һесаб олунан мәсәләләрдәндир. Һәрчәнд ки, онун мүхтәлиф изаһлары вар. Бурада Гуран ајәләриндән мөвзу илә бағлы бир нечә групу диггәтинизә чатдырырыг. Шәфаәтлә бағлы бир груп ајәләр ону мүтләг шәкилдә рәдд едирләр (Бәгәрә, 48). Диҝәр бир груп ајәләр бу һәгигәти тәкид едирләр ки, шәфаәт јалныз Аллаһа мәхсусдур вә Гијамәт ҝүнү кимсә бир башгасыны шәфаәт едә билмәз. Бу ики груп ајәни диҝәр бир груп ајәјә нәзәрән изаһ етмәк лазымдыр. Һансы ки о ајәләр шәфаәтин Аллаһын иҹазәсиндән асылы олдуғуну ифадә едирләр. Бу һалда бу ајәләрдә мәгсәд Гијамәт ҝүнү шәфаәти бүтүнлүклә рәдд етмәк дејил. Әксинә, бу о демәкдир ки, (о ҝүн) шәфаәт изни јалныз Аллаһын әлиндәдир вә кимсә онун иҹазәси олмадан башга биринә замин вә шәфаәтчи ола билмәз.
Һәдис: İмам Садиг (ә):
“Гијамәт ҝүнү пејғәмбәрләрин һеч бири Аллаһ иҹазә вермәдикҹә шәфаәт етмәјәҹәк. Јалныз Ислам пејғәмбәри (с) бу үмуми гајдадан истиснадыр. Чүнки Аллаһ Гијамәт ҝүнүндән габаг она изн вермишдир.” (Тәфсири-Гуми, ҹ. 2, сәһ. 201).
