“Сизин вәлиниз јалныз Аллаһ, Рәсул, намаз гылан мөминләр вә руку һалында зәкат верәнләрдир.” (“Маидә” сурәси, ајә: 55.)
Çохлу һәдисләрә әсасән, бу ајәдә нәзәрдә тутулан шәхс Әлидир (ә) вә Һәзрәт рукуда өз үзүјүнү фәгирә верәркән назил олмушдур.
Пејғәмбәр (с) бујуруб:
“Мөминин әмәл дәфтәринин сәрлөвһәси Әлијә (ә) мәһәббәтдир.” (“Тарихи бағдад”, ҹ. 4, сәһ. 410.)
“Мәни мәбус едән Аллаһа анд олсун ки, Әлинин (ә) мәһәббәти һагда сорушулмадан һеч бир јахшы әмәл гәбул олунмаз.” (“Биһарул-әнвар”, ҹ. 39, сәһ. 160.)
Имам Садиг (ә) бујуруб:
“Әҝәр јер үзүнүн бүтүн инсанлары Әлинин (ә) вилајәтини инкар етсәләр, Аллаһ онлары ҹәзаландырар вә ҹәһәннәмә апарар.” (“Игабул-әмал”, сәһ. 450.)
Пејғәмбәр (с) бујурмушдур:
“Ја Әли! Әҝәр бир бәндә һәзрәт Нуһун (ә) өмрү гәдәр ибадәт етсә, Үһуд дағы гәдәр гызылы олса вә ону Аллаһ јолунда еһсан етсә, мин дәфә Һәҹҹә ҝетсә вә Сәфа вә Мәрвә арасында мәзлумҹасына өлдүрүлсә, амма сәнин вилајәтини гәбул етмәсә, о, ҹәннәтин ијини дујмаз вә ҹәннәтә дахил олмаз.” (“Биһарул-әнвар”, ҹ. 27, сәһ. 194.)
“Мәҹлисләринизи Әлинин (ә) зикри илә зинәтләндирин.” (Һәмин, ҹ. 38, сәһ. 199.)
“Әлинин (ә) зикри ибадәтдир.” (Һәмин, сәһ. 200.)
