Шрифт өлчүсү:
А+
А
А-
15 Феврал 2018

Шиә вали вә Мурдух арасында мүназирә

Намазда Аллаһын ҹамалы онун әһли үчүн ҝөрүнүр.
Керманшаһын (ја Сәнәндәҹ) әһли-сүннә јашајан шәһәрләринин биринә шиә вали тәјин едилмишди. Һәмин шәһәрдә Мурдух адлы сүннү алими јашајырды. Гәдир-Хум бајрамы ҝүнләринин бириндә шәһәрдә бајрам шәнлији тәшкил едилир. Һәм вали, һәм дә Мурдух бу мәрасимдә иштирак едирди. Мәддаһлар вә шаирләр мәҹлисдә шеир охујурдулар. Мәддаһлардан бири Имам Әлинин (ә) фәзиләтләри һаггында шеир охуду вә бу јерә чатды: “Мүһарибәләрин бириндә һәзрәт Әлинин ајағына ох батмышды. Ағрынын шиддәтиндән оху чыхартмаг мүмкүн дејилди. Бу мәсәләни Имам Һәсәнә (ә) дедикдә, һәзрәт бујурду: Ҝөзләјин, намаз гылдығы вахт оху ајағындан чыхарын. Намаз вахты ағрыны һисс етмәјәҹәк.”
Бу вахт Мурдух валијә үз тутуб дејир: - Бу сөзләр хүрафатдыр. Бир кәсин өз бәдәнинин ағрысыны һисс етмәмәси мүмкүн дејил.
Вали дејир ки, онун бу сөзүндән нараһат олдум. Чүнки мән дини дәрс охумамышдым вә бу саһәдә алим дејилдим. О, бу ирады мәнә јох, дин алиминә билдирмәли иди. Бирдән бир фикир зеһнимә ҝәлди. Ондан сорушдум: - Гурана инанырсан? Гуран, һәзрәт Јусифин (ә) әһвалатыны данышдыгда бујурур ки, Мисир гадынлары Јусифин (ә) ҹамалыны ҝөрдүкдә әлләрини кәсдиләр вә буну һисс етмәдиләр. Буну гәбул едирсәнми? Һәзрәт Әли (ә) дә намазда Аллаһын ҹамалыны ҝөрүр вә Аллаһын ҹамалы Јусифин ҹамалындан јүксәкдир.
Мурдух буну ешитдикдә, ағзына даш дәјмиш адамлар кими сусду. Башыны ашағы салды вә даһа динмәди. Мәддаһ шеирини гуртаран кими Мурдух мәҹлисдән чыхды.

Ајәтуллаһ әл-үзма Беһҹәт бу әһвалаты дәфәләрлә данышарды вә буну данышмагда әсас мәгсәди о иди ки, намазда Аллаһын ҹамалы онун әһли үчүн ҝөрүнүр.

Мүртәзәвинија, Мәһәммәдбагир,“Өрнәкләр вә ибрәтләр”, сәһ. 62


4606 بازدید
در حال ارسال اطلاعات...