Һәјатын мәгсәди
Һәјат мәнзил вә мәрһәләләри, еләҹә дә уҹа мәгсәди олан узун бир карвандыр. Һәјатда инсанын мәгсәди өз варлығындан вә әтрафындакы јаранмышлардан мәнәви вә руһани тәкамүл үчүн истифадә етмәк олмалыдыр.
Üмумијјәтлә биз нә үчүн дүнјаја ҝәлмишик? Биз һеч бир ихтијарымыз олмајан һалда дүнјаја дахил олуруг; ушағыг, тәсир алтындајыг. Лакин тәдриҹән ағлымыз инкишаф едир, ихтијар вә сечим гүввәси әлдә едирик. Бу јердә инсанын дүзҝүн дүшүнмәси, дүзҝүн сечмәси вә бу сечим әсасында һәрәкәт едиб ирәлиләмәси лазымдыр. Әҝәр инсан бу фүрсәтдән јахшы истифадә етсә, бу дүнјада олан бу бир нечә ҝүндән јахшы бәһрәләнсә вә өзүнү камала чатдыра билсә, дүнјадан хариҹ олдуғу ҝүн һәбсдән азад олан шәхс кими олар вә онун һәгиги һәјаты башлајар.
Никаһ бир Ислам дәјәри кими
Биринҹи вә әсас мәсәлә будур ки, Аллаһ-Тааланын ганун гојдуғу вә јаранышын тәләб етдији бу никаһ илаһи немәт вә сирләрдән вә инсан јашајышынын гачылмаз мәсәләләриндән биридир. Аллаһ сәмави ганунларда бу мәсәләни лазым, ваҹиб, зәрури вә јахуд иҹазәли едиб, халгы бир-бир ҝедиб аилә гурмаларында сәрбәст бураха биләрди. Амма бу иши ҝөрмәмишдир. О, никаһы бир дәјәр етмишдир. Јәни издиваҹ етмәјән шәхс өзүнү бу дәјәрдән мәһрум етмишдир.
"Аллаһ исрарлыдыр!"
Ислама ҝөрә аилә гурмаг ваҹиб әмәлдир. Киши вә гадын бу әмәли илаһи иш вә бир вәзифә кими јеринә јетирмәлидирләр. Бу иш шәриәт бахымындан ваҹиб әмәлләр сырасында гејд олунмаса да, буна о гәдәр һәвәсләндирилмишдир ки, инсан Аллаһ-Тааланын бу ишә исрарлы олдуғуну, өзү дә бир карҝүзарлыг кими јох, һәмишәјашар, һәјатда вә ҹәмијјәтдә тәсирли бир һадисә кими исрарлы олдуғуну анлајыр. Одур ки, гадын вә киши арасында никаһа бу гәдәр һәвәсләндирмиш вә ајрылығы мәзәммәт етмишдир.
"Аллаһын јалгыз гадын вә кишидән хошу ҝәлмир!"
Аллаһ-Тааланын јалгыз гадын вә кишидән хошу ҝәлмир; хүсусән дә ҝәнҹ вә илк дәфәләри оланлар. Бу тәкҹә ҝәнҹләрә мәхсус дејил. Аллаһ-Тааланын мүштәрәк вә ҹүт һәјатдан хошу ҝәлир.
Бүтүн өмрүнү тәнһалыгда кечирән јалгыз инсан, јалгыз киши вә јалгыз гадын Ислама ҝөрә хошаҝәлән бир шеј дејил. Бу, инсанијјәт топлумунда јад бир варлыг кимидир. Ислам аиләнин ҹәмијјәтин һәгиги һүҹејрәси олмасыны истәјиб, јалгыз инсанын јох.
Nur-az.com
