Шрифт өлчүсү:
А+
А
А-
12 Мај 2014

Сәләф, јохса Әһли-бејт јолу (1)

Бу, олдугҹа мүһүм суалдыр. Һансы ки, әксәр Әһли-бејт тәрәфдарлары бунун әһәмијјәтини јахшы дәрк етмир, чох заман әһәмијјәтсиз шүбһәләр әтрафында мүбаһисәләр апарырлар. Сәләфи вә вәһһабиләр дә имкан дахилиндә бу суалдан гачмаға чалышыр, Әһли-бејтин дә сәләфләрдән олдуғуну сөјләјирләр.
Şиәләр инсанлары Гуран, сүннә вә Әһли-бејт јолуна дәвәт едирләр. Бунун үчүн исә кифајәт гәдәр дәлил-сүбут вардыр. Биз бурада мөвзуја ән мүһүм дәлилләр арасындан јалныз бир ајә вә бир һәдисә ишарә вураҹағыг:

1. Тәтһир ајәси: “Еј Әһли-бејт! Аллаһ сиздән һәр бир чиркинлији јох етмәк вә сизи тәртәмиз (пак) етмәк истәр!“ (Әһзаб-33)
Ајәдән баша дүшүрүк ки, Әһли-бејт ҝүнаһ вә азғынлыгдан ибарәт чиркинликдән дә узаглашдырылмышдыр. Сүнни вә шиә һәдисләринә әсасән, бу ајәдә мәгсәд Әли, Фатимә, Һәсән вә Һүсејндир. Нүмунә үчүн, Сәһиһ-Мүслимдә нәгл олунмуш һәдисә нәзәр салаг:
Аишә дејир: “Пејғәмбәр сәһәр чағы чијниндә јун парча отагдан чыхды. Һәсән ибн Әли ҝәлди. Пејғәмбәр ону әбанын алтына салды. Сонра Һүсејн ҝәлди - ону да әбанын алтына салды. Сонра Фатимә ҝәлди - ону да әбанын алтына салды. Сонра Әли ҝәлди - ону да әбанын алтына салды. Даһа сонра исә бу ајәни охуду: “Еј Әһли-бејт! Аллаһ сиздән һәр бир чиркинлији јох етмәк вә сизи тәртәмиз (пак) етмәк истәр!“ (Сәһиһ-Мүслим, һәдис: 2424)
Һәдис әксәр һәдис китабларында гејд олунуб вә мәзһәбиндән асылы олмајараг, демәк олар ки, бүтүн алимләр тәрәфиндән гәбул олунур. Тирмизинин нәгл етдји охшар һәдисдә исә дејилир ки, һадисә Үмм Сәләмәнин евиндә баш вермиш, бу заман Үмм Сәләмә Пејғәмбәрдән сорушмушдур: “Еј Аллаһын рәсулу, мән дә Әһли-бејтдәнәмми?!” Пејғәмбәр ҹаваб верди: “Сән өз јериндәсән, сән хејирдәсән” (Јәни Әһли-бејтдән сајылмырсан). (Сүнән-Тирмизи, һәдис: 3787)

2. Сәгәлејн һәдиси: Ҹабир ибн Абдуллаһын рәвајәтинә әсасән, Аллаһын рәсулу һәҹҹ заманы, Әрәфә ҝүнү мүсәлманлара бујурду: “Еј мүсәлманлар! Мән сизин аранызда елә шеј гојуб ҝедирәм ки, онунла олдуғунуз тәгдирдә јолунузу азмазсыныз: Аллаһын китабы вә Әһли-бејтим. (Сүнән-Тирмизи, һәдис: 3786)
Зејд ибн Әргәмин рәвајәтиндә исә белә бујурур: “Мән сизин аранызда елә шеј гојуб ҝедирәм ки, онунла олдуғунуз тәгдирдә јолунузу азмазсыныз. Онларын даһа бөјүк оланы Аллаһын китабыдыр... О бириси исә Әһли-бејтимдир. Онлар гијамәтә гәдәр бир-бириндән ајрылмазлар”. (Сүнән-Тирмизи, һәдис: 3788)
Ислам алимләринин бөјүк әксәријјәти, о ҹүмләдән бөјүк сәләфи һәдисшүнасы Шејх Албани бу ики һәдиси, еләҹә дә Сәһиһ-Мүслим, Мүснәд-Әһмәд вә диҝәр китабларда јер алмыш охшар һәдисләри сәһиһ сајырлар. Пејғәмбәр бу һәдиси дәфәләрлә, һәм дә өмрүнүн сонунда бујурмуш, сон вәсијјәти кими Гураны вә Әһли-бејти тапшырмышдыр. Бу мүтәватир һәдис вә һәмчинин Тәтһир ајәси Әһли-бејтин мәсум олдуғуну ҝөстәрир. Ајә буну ачыг-ашкар сөјләјир, Пејғәмбәр дә бу һәдислә Әһли-бејтин сөз вә әмәлләринин доғрулуғуна, һидајәтдән кәнар вә Гурандан ајры олмадығына зәманәт вермиш олур. Бундан әлавә, бу һәдисә әсасән, Пејғәмбәрин һәр һансы мәсәләјә даир фикрини мәһз Әһли-бејтдән өјрәнмәк лазымдыр. Чүнки Пејғәмбәрин өз өвладларынын – јәни һаггында бу гәдәр фәзиләтләр бәјан олунмуш Әһли-бејтин нәгл етдији һәдисләр диҝәр сәһабә вә табеиләрин нәгл етдикләриндән даһа етибарлыдыр вә Пејғәмбәрин өзү мәһз буну вәсијјәт етмишдир.

Әһли-бејтә даир һәмчинин Мәвәддәт, Вилајәт, Мүбаһилә вә диҝәр ајәләри, Он ики хәлифә, Гәдир-Хум, Нуһ ҝәмиси вә диҝәр һәдисләри дә гејд етмәк оларды. Бундан әлавә, һәр намазын тәшәһһүдүндә Пејғәмбәрә салаватдан сонра мүтләг онун аиләсинә дә салават чевирмәк ваҹибдир. Бүтүн бунлар исә һеч шүбһәсиз, сәбәбсиз дејил вә бу диндә Әһли-бејтин өзәл статусуна даир месажлары тәшкил едир.
Бу ҝүн мүсәлманлар арасында Пејғәмбәрин ҝүндәлик ишләри барәдә дә јекдил фикир јохдур. О, ҝүндә дәфәләрлә дәстәмаз алыр, намаз гылырды, лакин бу ҝүн мүсәлман мәзһәбләри буна даир мүхтәлиф дүшүнҹәләрә маликдирләр. Елә исә Пејғәмбәри вә тәбии ки, онун васитәси илә Гурана даир дүзҝүн изаһлары кимдән өјрәнәк? Шиә мәзһәбинә ҝөрә бунун јолу Әһли-бејтә мүраҹиәт етмәкдир. Әввәла, Әһли-бејт онун евинин ичидир, өз ушаглары, ән јахынларыдыр, дүзүнү дә онлар билирләр. Икинҹиси исә, јухарыда садаланан дәлилләрә әсасән, Әһли-бејтин өзү билик гајнағыдыр вә Пејғәмбәрдән сонра һәр һансы фикир ајрылығы заманы мәһз онлара мүраҹиәт етмәк лазымдыр.
Бу, Әһли-бејт јолуну сечәнләрин әсасларына чох гыса бахыш иди. Нөвбәти һиссәдә сәләфләрин јолуна дәвәт едәнләрин әсас дәлилләринә нәзәр салаҹағыг.
(Арды вар)

Nur-az.com


6377 بازدید
در حال ارسال اطلاعات...