Шрифт өлчүсү:
А+
А
А-
19 Нојабр 2017

БЕҺИШТ

Билин ки, беһиштә мүштаг олан кәс јахшылыға тәләсиб, шәһвәти унутду...
Аллаһ јанында олан, мәрифәт вә иман әһлинин рәғбәт ҝөстәрдији һәгигәтләрдән бири беһиштдир. Аллаһ-Таала Гурани-Кәримдә бүтүн бәндәләрини бу әбәди мәкана дәвәт едир вә билдирир ки, беһиштә чатмағын јолу иман, салеһ әмәл, тәгва вә һалал-һарамы ҝөзләмәкдир.
«Рәббинизин мәғфирәтинә вә мүттәгиләр үчүн һазырланмыш, ҝенишлији ҝөјләр вә јер гәдәр олан ҹәннәтә тәләсин». («Али-Имран» сурәси, ајә 133.)
«Рәббинизин тәрәфиндән бағышланмаға, Аллаһа вә Онун Пејғәмбәринә (с) иман ҝәтирәнләр үчүн һазырланмыш, ҝөјләр вә јер гәдәр ҝениш олан ҹәннәтә наил олмаг үчүн бир-бириниздән габаға дүшмәјә чалышын. Бу, Аллаһын диләдији кимсәјә әта етдији мәрһәмәтдир. Аллаһ чох бөјүк мәрһәмәт, кәрәм саһибидир». («Һәдид» сурәси, ајә 21.)
Ајә вә рәвајәтләрә ҝөрә беһишт иман, салеһ әмәл, тәгва вә һарамдан узаглығын мүкафатыдыр. Бу һәгигәтләрдән кәнар дүшүб, күфрә ширкә мүхтәлиф ҝүнаһлара булашанлар бу немәтдән мәһрум олуб, ҹәһәннәмә дүшәрләр. «Мумин» сурәсинин 40-ҹы ајәсиндә бујурулур: «Һәр киши вә һәр гадын мөмин олараг бир јахшылыг етсә ҹәннәтә дахил олуб сајсыз-һесабсыз рузијә чатар.» «Төвбә» сурәсинин 71-72 ајәләриндә бујурулур: «Мөмин кишиләрлә мөмин гадынлар бир-бирләринә вәли вә јардымчыдырлар. Онлар јахшы ишләри әмр, пис ишләри јасаг едәр, намаз гылыб зәкт верәрләр, Аллаһа вә пејғәмбәринә табе оларлар. Әлбәттә ки, Аллаһ онлара рәһм едәҹәкдир. Аллаһ, һәгигәтән, јенилмәз гүдрәт вә һикмәт саһибидир; Аллаһ мөмин кишиләрә вә гадынлара алтындан чајлар ахан ҹәннәтләр вә Әдн ҹәннәтләриндә ҝөзәл мәскәнләр вәд етмишдир. Онлар орада әбәди галаҹаглар. Аллаһдан олан бир разылыг исә даһа бөјүкдүр. Бу, ән бөјүк гуртулуш вә уғурдур.»
Һәзрәт Сәҹҹад (ә) бујурур: «Билин ки, беһиштә мүштаг олан кәс јахшылыға тәләсиб, шәһвәти унутду. Ким ки, оддан горхду, ҝүнаһдан төвбә етмәклә Аллаһа доғру тәләсди вә һарамлардан үз дөндәрди». («Биһарул-әнвар», 75-ҹи ҹилд, сәһ-139.)
Һәзрәт Әли (ә) бујурур: «Ҹәннәтин гијмәти салеһ әмәлдир». («Ғүрәрул-һикәм», сәһ-154.)
İмам Багир (ә) бујурур: «Һәр кәс он хүсусијјәтлә Аллаһын ҝөрүшүнә ҝетсә беһиштә дахил олар: Аллаһдан башга мәбуд олмадығына шәһадәт, Мәһәммәдин (с) пејғәмбәр олмасына шәһадәт, пејғәмбәрин Аллаһ тәрәфиндән ҝәтирдији Гуранын тәсдиги, намаз гылмаг, зәкат өдәмәк, рамазан ајы оруҹ тутмаг, һәҹҹә ҝетмәк, Аллаһ достлары илә достлуг, Аллаһ дүшмәнләри илә дүшмәнлик, бүтүн мәстедиҹиләрдән узаглыг». («Хисал», 2-ҹи ҹилд, сәһ-432.)


4239 بازدید
در حال ارسال اطلاعات...