Шрифт өлчүсү:
А+
А
А-
15 Нојабр 2017

“СИРАТӘЛЛӘЗИНӘ ӘНӘМТӘ ӘЛӘЈҺИМ”

Бир дәстә шәһид олуб өз пак ганы илә төвһид ағаҹыны сувармалыдыр.
“(Бизи) немәт вердијин кәсләрин јолуна (һидајәт ет).”

Јолу арзуланан шәхсләр башга бир ајәдә даһа ајдын танытдырылыр: “Аллаһа вә пејғәмбәрә (с) итаәт едәнләр Аллаһын немәт вердији нәбиләр, сиддигләр, шәһидләр вә салеһләрлә бир јердә олаҹаглар. Онлар неҹә дә ҝөзәл јолдашлардыр!” (“Ниса” сурәси, ајә 69.)
Ҝүн әрзиндә бир нечә дәфә бу ајәни охујуб Аллаһдан истәјирик ки, бизи ујғун дөрд зүмрәјә дахил етсин. “Тәфсири Нүмунә”дә охујуруг:
“Ујғун дөрд зүмрәдән (нәбиләр, сиддигләр, шәһидләр, салеһләр) бу мәна анлашыла биләр ки, сағлам, инкишаф етмиш вә мөмин бир ҹәмијјәт һазырламаг үчүн өнҹә пејғәмбәрләр вә һагг рәһбәрләр мејдана дахил олмалыдыр. Онларын ардынҹа сөзләри илә әмәлләри ујғунлашан сиддиг (ән доғручу) тәблиғатчылар пејғәмбәрләрин һәдәфини ҝерчәкләшдирмәк үчүн ишә гатылмалыдыр.
Гуруҹулуг дөврүндә һагг јола манечилик төрәтмәк истәјәнләр пејда олаҹаг. Бу шәхсләрә гаршы гијам едилмәли вә бир дәстә шәһид олуб өз пак ганы илә төвһид ағаҹыны сувармалыдыр.
Дөрдүнҹү мәрһәләдә чәкилмиш әзијјәтләрин бәһрәси олараг салеһ, пак вә ләјагәтли ҹәмијјәт јараныр. (“Тәфсири Нүмунә”, 1-ҹи ҹилд, сәһ.53.)
Мараглыдыр ки, “Биһарул-әнвар” китабында бир чох рәвајәтләрдә шәһидләр, сиддигләр вә салеһләр үчүн ән камил нүмунә мәсум имамлар (ә) ҝөстәрилмишдир. (“Биһар”, 24-ҹү ҹилд, сәһ.30-дан сонра.)
Намазда белә бир истәк фикир, әхлаг вә әмәлдә ујғун дөрд зүмрәјә итаәтлә мүшајиәт олунмалыдыр. Илаһи лүтфә чатмыш шәхс нә зилләтә дүчар олур, нә дә залымлары һимајә едир. Һәзрәт Муса (ә) деди: “Еј Рәббим, мәнә бәхш етдијин немәтә ҝөрә әсла ҝүнаһкарлара арха олмајаҹағам!” (“Гәсәс” сурәси, ајә 17.)
Бурадан намаз гыланын дүшүнҹә вә әмәл бахымындан тутдуғу истигамәт мүәјјәнләшир. О, һәмин уҹа инсанларын јолунда олмағы Аллаһдан диләјир.


3497 بازدید
در حال ارسال اطلاعات...