Бу гануна әсасән, һагг вә батил ҹәбһәләри даим гаршы-гаршыја дајанмышдыр вә мүбаризәдәдир.
Шиәләрин имам Һүсејн (ә) ингилабыны танымагла бағлы вәзифәләри
Һәзрәт Һүсејнин (ә) имамәтинә етигадлы һәр бир фәрд Ашура вә Һүсејн мөвзуларынын Аллаһ, Онун рәсулу (с) вә мәсум имамларын нәзәриндә мүһүм бир мәсәлә олдуғуну билдикдән сонра бу ҹәрәјаны танымалы дејилми?! Мәҝәр өјрәнмәли дејиликми ки, Ашура гәзијјәси нәдир? Ашураны јалныз гәтл-гарәт вә хејмәләрин јандырылмасына ҝөрәми бөјүк билмәлијик? Әлбәттә ки, јох! Тарихдә бу сајаг гәтл-гарәтләр вә гырғынлар чох олмушдур.
İмам Һүсејн (ә) дүнјаја ҝәлдији ҝүндән һәзрәт Пејғәмбәрин (с) инсанларын диггәтини бу мәсәләјә јөнәлтмәсинин сәбәби нәдир?!
Һәр бир шиә билмәлидир ки, Һүсејн ибн Әлинин (ә) гијамы нәји арадан ҝөтүрдү вә нәји бәргәрар етди.Â
Һагла батилин мүбаризәси
Јаранышын әввәлиндә бәшәр ҹәмијјәтиндә мөвҹуд олмуш вә бу ҝүн дә давам едән бир ганун вар. Бу ганун үмумдүнја әдаләт һөкумәтинин гурулаҹағы ҝүнәдәк фәалијјәтдәдир. Бу гануна әсасән, һагг вә батил ҹәбһәләри даим гаршы-гаршыја дајанмышдыр вә мүбаризәдәдир.
Бу ҹәбһәләшмә һәлә јер үзүндә ҹәми дөрд инсан олан вахт јаранды. Һәзрәт Адәмин ики өвлады (Һабил вә Габил) һагг вә батил ҹәбһәләринә бөлүндү.
Һабил вә Габилин әһвалаты Гуранда ад чәкилмәдән нәгл олунмушдур. (“Маидә”, 27) Һәмин ајәдә Адәмин ики өвлады һаггында данышылыр. Бу гардашлардан һәр бири һаглы олдуғуну сүбута јетирмәк үчүн гурбанлыг етди. Һагг тәрәфдары олан гардашын гурбаны гәбул олду, дүнјапәрәст гардашын гурбаны рәдд едилди. Гурбаны гәбул олунмајан гардаш һәгигәтпәрәст гардашына гаршы чыхыб даваја башлады вә ону өлдүрдү. Бу, бәшәр нәсли тәрәфиндән јер үзүндә төрәнмиш биринҹи гәтл иди. Адил вә тәкаллаһчы бир шәхс залым вә илһадчы (дөнүк, бидәтчи) бир шәхс тәрәфиндән гәтлә јетирилди. Һәмин вахтдан башлајараг бәшәр тарихиндә ҹәбһәләшмә јаранды. Гурани-кәримин әһвалатлары, пејғәмбәр вә өвлијаларын јолу бу һәгигәти тәсдиг едән ҹанлы сәнәддир.
Нуһ 950 ил мүддәтиндә олдугҹа мәһдуд бир ҹәмијјәтлә чохсајлы дүнјапәрәстләрә гаршы дајанмышды. Нәһајәт, Аллаһын ирадәси илә туфан батил әһлини мәһв етди.
Төвһид тарихинин бөјүк гәһрәманы бүтпәрәстләрлә мүбаризәјә галхды. Нәһајәт, ону ода атдылар. Амма Аллаһын әмри илә од тәсирсиз олду! Муса Фирон вә зәр-зор әһлиндән тәшкил олмуш ҹәбһәјә гаршы чыхды, тағута, залымлара галиб ҝәлди. (Һагг ҹәбһәси даим галибдир. Бу ҹәбһә заһирән мәғлуб олуб, гәтлә јетирилсә дә, һагг олмаг бахымындан даим галибдир.)
