Шрифт өлчүсү:
А+
А
А-
02 Сентјабр 2017

НӘФСИН ТӘРБИЈӘСИ

Тәгва хәстә гәлбләрин шәфасыдыр
Өзүнүтәрбијәнин ики мәрһәләси вардыр:

1. Әввәлҹә нәфс чиркинликләрдән, ҝүнаһлардан тәмизләнмәлидир.
2. Икинҹи мәрһәләдә инсан елм вә маарифә јијәләнмәклә салеһ ишләр ҝөрмәли вә әхлагыны зинәтләндирмәлидир.
Өзүнүтәрбијә үчүн һәр ики мәрһәлә зәруридир. Чүнки чиркинлик вә ҝүнаһ ичиндә олан нәфсин әхлаги дәјәрләрә јијәләнмәк габилијјәти јохдур. Инсан ҝүнаһа јол верирсә, онун гәлби шејтанын әсарәтиндәдир. Шејтанын әсарәтиндә олан бир јер илаһи нурла ишыглана биләрми? Мәләкләр белә бир гәлбә үз тутармы? Демәк, ҝүнаһлардан тәмизләнмәк ваҹибдир.

Тутаг ки, инсан чиркин ишләрдән вә ҝүнаһлардан тәмизләнди, бу иш тәкамүл үчүн јетәрли ола биләрми? Әҝәр инсан салеһ ишләр ҝөрмүрсә, о неҹә камилләшә биләр?!
Нәфсин тәрбијәсиндә чох мүһүм бир нөгтәјә дә тохунмағымыз зәруридир. Һәзрәт Әли (ә) бујурур: «Тәгва әхлагын башланғыҹыдыр». Бәс, тәгва нәдир? Бу сөзүн лүғәтдә мәнасы горунмагдыр. Амма ајә вә һәдисләрдә бу сөз даһа ҝениш мәна ифадә едир. Әҝәр инсан өз һәјатында конкрет бир үсулла јашамаг истәјирсә, бу үсула зәрәрли олан бүтүн шејләрдән чәкинмәлидир.
Диндә тәгва итаәтсизлик вә ҝүнаһлардан горунмагдыр. Ислам мәктәбиндә мөминләр үчүн ән бәјәнилмиш сифәт тәгвадыр. Һәзрәт Әли (ә) бујурур: «Тәгва хәстә гәлбләрин шәфасыдыр».


5466 بازدید
در حال ارسال اطلاعات...